行程: 飛來寺 > 德欽 > 奔子欄 > 香格里拉
今天Kame 和 Buta 好早起身, 但很可惜又影唔到日照金山.
Kame 心諗昨晚下了一場雨.
望出外面時, 見到有好多霧慢慢升上黎
第一次見, 好特別, 又好似恐怖.
Kame 和 Buta 一早就要搭九點車離開德欽返香格里拉. 所以己經叫酒店幫手打電話 call 定八點三的的士. 我地大約八點到大堂check out, 諗住八點三可以上車, 點知 check out 時發覺職員至幫我地 call 車, 我心諗好在我地預早些check out.
點知等了很久都沒有車來, 等到八點半, 因為怕趕唔切搭公車, 所以Kame 和 Buta 自己行落山.
Kame 行快些去截車先, Buta 自己一個人拖住兩個行李箱下山. 一下到山, Kame 見到有架 van 就截停佢, 問佢出唔出德欽, 話要趕搭九點公車, 但當時己經八點九, 佢話可以不過要快.
咁我地上車後, 好緊張, 因為平時飛來寺去德欽車程大約 20 mins. 好怕趕唔切搭車. 車上的人好好人, 真的好上心咁想準時九點到公車車站, Kame見位司機好專注咁很小心地越過每一架車, 但當時又好大霧, 路面好危險. 一路上 Kame 好驚咁到了德欽, 真的好采安全到達. 真的在九點前幾分鐘到了, Kame 下車先即刻跑去公車站, Buta 就去拎行李. Kame 在車上諗, 上車前我無問幾錢? 他們會不會座地起價, 但如果真都無法, 我地都會照比.
結果公價 $40 一程, 無座地起價. 這件事又令 Kame 體會到鄉村地方的人好純真, 正義和純樸.
由於昨晚下了一場雨, 引致很多霧.
望見這條山路, 都覺有點怕.
又到奔子欄, 這裏就是食免費午餐的地方. 不過 Kame 和 Buta 真的不敢食.
差不多到香格里拉. 今天的香格里拉特別靚.
終於要捱過六個鐘, 到香格里拉了. 又要行返這些山路, 泥路, 又驚又險咁返回香格里拉.
一下車, Kame 有種喜悅的感覺, 因為又安全回來了. 我地又買了明天一早去麗江的巴士車票. 之後又撘一蚊公車去古城.
到古城了, 影返上次租單車的店舖.
之前已經來過這兒探路, 所以好熟路.
很容易就來到今日住的地方-香格里拉開心花園客俴 (RMB228 / 1 room)
客俴的房間好靚, 好特別. (這間房是豪華大床房)
這是個浴室.
這條就是房間 Key
休息一陣又出去古城行下
客俴出面就是月光廣場, 每逢晚上八時, 就會有一班人在這個廣場跳舞.
慢慢行出古城
行行下, 見到有個露天市集, 這裏有很多東西買. 我地叫了串燒食, 買了3串, 但得個辣字, 都唔知食緊乜.
之後繼續行
這就是古城入口
我地離開了古城, 在附近走走.
這應該是公安局.
行了一陣, 返古城了. 見到串燒婆婆走咗去跳舞, 我地睇咗一陣.
去了間士多買了雲南特產牦牛酸奶
Kame 覺得幾好飲.
今天唔覺意咁去了一個是識講廣東話的人開的客俴食, 叫"如意客俴"
如意客俴內的裝潢
這幾碟小菜都幾好味
食飽飽就返客俴休息, 經過月光廣場見到很多人跳舞. 但太累了所以沒有一齊跳.
[最近Kame 聽到新聞 2014年1月11日香格里拉縣的獨克宗古城今天發生火災, 這座古城距今1300多年，是中國大陸保存最好、最大的藏民居群地。差不多100棟的房屋燒毀]
Written on March 29, 2014
上一篇文章: 雲南廣州之旅 - 十一天 - Day 4
下一篇文章: 雲南廣州之旅 - 十一天 - Day 6
沒有留言:
張貼留言