行程: 昆明 > 香格里拉 > 小中甸 > 香格里拉
昨日因為班機delay 咗, 所以搞到晚上11點幾至到昆明機場, 深夜1點至瞓覺. 第二天早上5點又要起身, 因為要搭早上 7:10 的飛機去香格里拉. 第一次去旅行瞓得4個鐘. 咁
早搭車, 一定又搭的士去機場, 在大陸上車前一定要問清楚收幾錢, 佢話每人$15去機場, 明扼, 無計. 仲中途比其他客上車都是去機場, 呢架不是的士咩? 不過算啦, $15都算好平. 話咁快就到機場.
到機場就即刻望望今次班機有無delay, 自從昨晚事件後, 我地見到紅字就好驚, 因為紅字代表班機delay. 好采無delay 準時7:10 起飛, 今次我地搭祥鵬航空8L9991 由昆明飛到香格里拉(機程約1小時).
單程機票費 (RMB 220 + 燃料機場稅 RMB 130 = RMB 350 / 1人).
我地在No. 32登機, 要搭機場內的巴士.
可以上機了, 再見昆明, 開始我地正式的旅程. 香格里拉又叫中甸, 是雲南迪慶藏族自治州首府.
1 小時好快過, 話咁快就落機了. 香格里拉機場又細又新. 當 Kame 和 Buta 踏出機場門口, 我地即刻比成群人圍著, 搞到我地好似明星咁, 因為好多包車司機係到搵客, 佢地話$10送我地去酒店. Kame 以為會有公車搭去市中心, 點知公安話無公車搭. 下? Kame心諗原來無車搭出去嫁? 在人群中, Kame 見到的士經過, 即刻截停架的士, 我地上車前問去這間酒店大約幾多錢? 佢話二十元, 初時Kame 有些猶疑, 因為其他人話10元, 當的士司機聽到其他人話10元, 就即刻話10元載我地, 咁我地立即拎行李上車, 即刻逃走, 離開這個恐怖地方.
上車後….的士司機同我地講話, 依家香格里拉仲成枉法, 咁樣都得, 又話好在我地無上佢地車, 如果唔係, 佢可能迫我地去乜地方, 乜地方. 講講下, 就到酒店, 我地見到的士的收費錶是$16, 所以我地諗住比返20元佢, 因為初時佢開價是20元, 但的士司機唔收, 話一早講好是10元. 咁我地唯有多謝佢, 臨開前他都有比張咭片我地, 話如果想去景點可以call 佢.
去到酒店, 間房好大, 不過感覺唔係太乾淨, 我地好似打扙完好累, 加上昨日瞓得好少, 所以一到酒店就瞓覺, 瞓到大約十點半起身.
Kame 出發前在網上找過資料, 知道去德欽的路維修中, 不知有無車去德欽, 我地打返電話問下價, 如果去德欽幾錢? 頭先的的士司機都有話依家D路好爛, 車好爛行.
我地就決定搭公車去德欽, 離開酒店, 出發去迪庆汽車客運站買明天去德欽的車票, 我地由酒店慢慢行去. 但原來都好遠下, 沿途見到有一架公車No.1 成日經過, 寫著去古城,
行了差不多半小時, 終於到汽車客運站, 並買了明天的 9:30 am 車票 (RMB 34.5 /1人). 在客運站又有包車司機煩Buta, Buta 當然好cool 咁唔埋佢地啦.
之後我地就搭 No. 1 公車到古城(RMB1 /1人), 因為Kame 知道古城附近有得租單車, No. 1 公車總站就是古城, 好方便, 一定識下車.
一下車真係即刻見到有租單車店, 租一日 (RMB 20 /1架車) 好抵. 很久沒試過租咁平的單車了. 租單車時, 職員會拎了你本passport 做抵押, 我地問給1本得唔得, 職員話可以, 咁我地就只給了1本passport.
我地諗住踩去小中甸, 因為聽人講果到幾靚, 但要踩公路, Buta 初時好反對, 話會好危險, 但到了香格里拉後, 就願意踩.
試完車, 就開始我地第一日的行程 "單車遊小中甸". 小中甸是依拉草原末端, 距離香格里拉約30公里
沿途景色真係好靚好靚,
香格里拉不斷發展, 這些屋都是為未來的旅遊業發展
踩去小中甸時, Kame 覺得很吃力, 但望落去唔覺好斜, 但 Kame 真係無力去踩, 但都堅持下去. 我地一路踩一路拍照, 一路食汽車噴出來的廢氣, 原來大陸地方真係好多廢氣, 比起瑞士真係差得遠, 人地話雲南是東方的瑞士, 唔知係咪真呢? 但環境保護方面真係差好遠.
踩到這裏, 欣賞了很靚的大自然景色, 開始要回程了, 因為七點前要返去還車.
Kame 見到這個牌 "吾努民族生態文化村歡迎您", 就示意Buta 踩入去探險, 但只見了村民, 沒什麼特別, 就離開這個文化村.
這裏的市民很 nice, 可能佢地很少見到其他外來人吧. 所以當他們看見我地時, 都好開心咁同我地打招呼. 看得出他們很友善和好真誠.
就黎踩回香格里拉了.
回程好舒服, 不斷下斜, 唔怪得知 Kame 踩去程時咁辛苦啦. 原來不斷上暗斜. 如果知咁早返到香格里拉, 總之再踩遠些至回程.
踩完還車. 很累, 又肚餓, Kame 和 Buta 成日顧住都忘記食嘢. 今天我地就在這間布達拉咖啡館食晚餐.
叫了一個炒飯, 一壼酥油茶(雲南特產), 酥油茶是每個藏族人每日不可缺少的食品, 用牛奶同羊奶.提煉出來的. 又真的幾特別幾好飲.
食完晚餐就特登去獨克宗古城, 因為去完德欽返來我地就是住這間 "開心客棧", 所以實地觀察一下.
第一天來到香格里拉是住八方缘商務酒店 (RMB 220 / 1 room)
香格里拉(中甸)地處高原地區, 海拔平均3300米. 出發前, Kame 和 Buta 擔心自己會不會出現高山反應? 很多人建議最好由麗江慢慢玩到香格里拉, 因為可以慢慢適應. 點知我地由昆明直飛到高原地區香格里拉, 仲要一下機當日就去踩單車, 完全忘記了自己已身處於海拔3300米. 回到酒店, Kame 和 Buta 好累, 個頭開始痛, 初時還不明什麼原因, 後來諗諗下才醒覺這些應該是高山反應吧! 好在第二日起身就沒頭痛了.
Written on January 16, 2014
上一篇文章: 雲南廣州之旅 - 十一天 - Day 1
下一篇文章: 雲南廣州之旅 - 十一天 - Day 3
沒有留言:
張貼留言