行程: 飛來寺 > 德欽 > 明永冰川 > 飛來寺
Kame 和 Buta 上網 check 定幾時日出, 就搞定閙鐘諗住一早起身拍 video 諗住影日照金山, 但結果我地等咗好耐, 都好似無野睇咁. 我地諗係咪己經日出呢? 我地等了又等, 連雞啼都
聽到, 天都光晒, 什麼都看不見. 
Kame 諗唔掂今日的行程, 唯有出返去德欽, 買定明天返香格里拉的巴士車票, 買咗車票點都安心D.
之後在德欽這個細小的地方行下
好悠閒係到捉棋.
高考喜報. 好特別, 好似一間學校公佈學生的成績咁.
這個市集有很多人.
出到來德欽, 我地嘗試問下包車司機去明永冰川幾錢? 好多司機都話$200.
結果當我地考慮期間, 剛問的包車司機問我地出乜價? 我地話$120, 佢話最少都要$150, 咁好啦就去睇下有乜睇啦. 但原來不是佢車我地去, 佢call 了另一個人, 他說是他的弟弟車我地去. 我地第一次包車, 好驚, 所以拍下車牌, 又拍下佢個樣, 之後上咗另一架車. 原來是一個年青人, 即時我地的介心都無咁重, 佢弟弟同佢表弟兩個同我地年紀差不多, 車我地去明永冰川, 佢地好似去玩咁. 在路途上播住D民族歌, 聽這些歌都真係令人好relax, Kame 慢慢感受到鄉村的單純, 純真簡樸的一面.
遠處望見另一村莊
有時簡簡單單的生活, 生活得仲開心.
一路上司機的表弟同 Buta 說話, Kame 都無插口, 不斷欣賞出面的景色.
望返這條咁迂迴曲折的山路, 都覺得很危險.
明永冰川是可以坐馬上山, 不用自己行上山.
而我地就緊係自己行上這個神山啦, 至夠誠心嘛.
剛剛起步, 就有人又同我地收過路費 RMB10 (每人RMB 10), 俾完錢就開始展開我地行神山之旅, 行上這個神山又真係幾辛苦, 因為條路都好斜.
我地不斷上,不斷上, 包車司機都同我地一齊行上山, 果然係年青人.
D 路都幾爛下
再上, 再上, 我地跟包車司機行側邊的路, 因為條行人路有好多驢屎, 成日要周圍避.
點解仲未到, 又係一條又長又斜的路, 真係有咁高嗎?
終於上到太子廟了.
開始見到少少冰川
之後我地向左行可以去觀景台, 而右行就是去蓮花寺.
好似無止境咁, 又係不斷上.
這個就是冰川嗎? 無想像中咁壯觀. 可能是6 月夏天的關係, 所以無咁靚.
終於到另一個展望台, 可以再近距離看冰川, 但今天的天色不是太好, 有好多雲, 遮住了一些景,但幾經辛苦終於行到上來, 一定要逗留返一陣至下山.
走到剛才經過的食嘢地方, 兩位包車青年在入面食杯面, 我地叫佢地慢慢食, 因為我地要掙取時間一路走一路拍照. 話晒有人跟住, 影相都無咁安心.
很快佢地追過我地, 佢地好快咁跑落山, 而我地當然就慢慢行落下山啦
很快就行返落山了
這條河流反而很靚
回程了, 車返我地去飛來寺. Buta 比了RMB $150 包車司機後, 就交換QQ, 返到香港就 send 返些相比佢地. 之後Kame 和 Buta 就返酒店休息. 酒店房間可以坐在這裏欣賞雪山.
返到酒店, 好肚餓, 因為lunch 都未食, 來到這裡真係無淡好食. 唯有食零食啦. 這兩包薯片就搞成咁, 好采Kame 有拎到密實袋. 兩包薯片來到高海拔香格里拉就穿了, 所以將兩包薯片倒在一起.
今天又從酒店影去飛來寺觀景台
我地真係住在好高的地方, 這條就是某一部份的山路.
行完山, 條褲好dirty, 所以就比了RMB 10 在酒店洗兩條褲, 落去酒店大堂, 順手影下幾張相先, 職員話夜晚9:00來拎返條褲
大陸的酒店大堂真的很大
之後就去飛來寺觀景台食dinner, 因為昨日的晚餐太難食了, 所以去了附近的士多, 買了兩個杯面食, 康師博的杯面, 士多還會提供熱水沖杯面添.
Kame 都是第一次望住雪山, 在露天的地方食熱辣辣的杯面, 感覺特別正,特別好味. (因為全日都無食過嘢, 實覺好味啦) 但今次望不到昨天那麼靚的雪山, 因為太多雲遮住雪山了.
食完 Dinner 就返酒店, 等到九點就去酒店大堂拎返條褲. 今天完成了一項艱辛之旅, 行上明永冰川這個神山真的幾吃力.
臨瞓前又準備set 機影明天的日照金山, 但到十點, 我地就聽到下雨聲, 落了一整晚雨.
Written on February 21, 2014
上一篇文章: 雲南廣州之旅 - 十一天 - Day 3
下一篇文章: 雲南廣州之旅 - 十一天 - Day 5
沒有留言:
張貼留言