龜龜 SkyWorld: 雲南廣州之旅 -十一天

行程: 香格里拉 > 德欽 > 飛來寺

Kame 和 Buta 今天很早就起身了, 好采一起身兩個都無事, 個頭唔痛. 今天我地準備要搭7小時的長途車, 由香格里拉到德欽,諗起都怕, 點捱7小時呀。

班車好準時出發, 9時30分就開出了.

由於我地預早一天買票的關係, 所以座位號碼是No. 1 and 2. 坐在最前頭. 班車滿座. (車費 RMB 53 / 1人)

真係要平安出行呀, 司機生生性性, 搭多幾個鐘唔緊要, 最緊要安全到達.

呢個司機好似都幾精神喎, 你要駕7小時車, 千萬唔好瞓.

天色今天好靚, 途經納柏海, 但可惜不是坐左邊, 所以拍唔到靚相. 納柏海是香格里拉其中一個旅遊點, 不過我地無去這個旅遊點.

昨天踩完單車後就搞成咁. Kame 和 Buta 都濃咗. 很可憐. 千萬不好睇少溫和的陽光. 紫外線真係超高.

昨日踩去小中甸時都看見就些建築物.

過了差不多三小時, 到了奔子欄, 司機在這兒食飯, 所有乘客都有包一餐午餐. 我仲以為奔子欄有乜好看添, 原來只不過是一條很舊的村, 我地看到這個地方, 都不敢食午餐, 衞生情況真係好差, 我地唔想肚痛, 唯有食我地帶去的乾糧吧.

見到有水果賣, 望個樣應該幾好食.

前面好似懸崖咁喎.

剛剛就是走這些山路, 我地就係要穿過這個山頭去德欽.

沙塵滾滾

條河好恐怖, 泥色.

天氣真係好熱, 車內又無冷氣, Buta 就黎受不了. 因為依家修路, 所以要行7小時, 佢地話如果修好, 4小時就可以到德欽, 快好多. 如果包車前往德欽, 會看到金江第一彎, 但今次我地就望不到了, 因為我地沒有包車, 包一架車要 RMB 1000 一天(因為修路所以比平時貴咁多), 太貴了.

條路真係都幾爛. 由於我地坐最前, 所以好清楚咁望住D泥路, 山路, 險象環生, 真係好危險.

看見少少雪

開始看到雪山, 我地咁辛苦來這裡就是想睇雪山. 過多一陣, 就見到有屋了, 應該是德欽. 但路途受阻, 因為有架車要清理碎石, 所以無得通過.

很多車都停下來, 我地也下車消熱, 周圍拍照, 等了差不多20分鐘, 終於可以繼續向德欽進發. 很快就到德欽了, 之後, 就轉另一架車直衝飛來寺, 好抵 RMB5 一個人, Kame 之前仲上網看過資料, 好似要包車至入去飛來寺, 又要同司機講價, 次次都要講價好煩. 好在依家只不過比RMB 5就送你到飛來寺. 飛來寺與德欽距離約10公里, 車程半小時.

排排下, 排了10幾架車.

嘩. 在巴士上瞓. 他們搭了幾多個鐘呢? 見到都覺得佢地好辛苦.

終於下車了, 來到飛來寺, 一下車就見到很多不同客棧, 不過我地今天住的 “飛來寺觀景天堂大酒店” 在那裡呢? 仰頭望就望到, 但不知點樣上去. 推著行李箱行路面不平的路真的不方便, 我地走來走去, 問路人才得到正確的方向.

我地就向住酒店進發, Buta 望完後面話 “有隻狗跑緊過來, 好驚!”, Kame 聽了後都很驚, 因為Kame 好怕流浪狗, 點知當Kame 轉頭向後望時, 一見到隻狗就話 "吓! 唔係嘛, 你咁都驚, 你嚇我咩?" 原來隻狗好細隻, 好得意, 好可愛. 之後我地同隻狗say hi and bye, 無理佢, 點知隻狗仲跟著我地走.

Buta 很白痴, 在地上執起個木頭, 比完隻狗睇之後拋走, 以為隻狗會跟住跑走, 點知隻狗采你都傻, 停下來望住木頭拋到很遠. 之後, 我地繼續找我地酒店, 我地望住條山路, 就知弊加伙了. 點解係山路黎, 我地真係住錯酒店了.

Buta 開始變臉, 要在咁熱的天氣拉住個行李箱上山, 好辛苦. 但可愛的小狗仍然跟著我地上山.

山路行了一半, Kame 見到有一輛車駛過, 見到車內的人同 Buta 唔知講乜, 於是Kame 走回頭睇下做乜? 原來車內的人話載我地上去, 但由於坐位不是太多, 所以Buta 叫 Kame 和行李上車, Kame 話唔洗, 我地就放個行李入佢架車到, 佢地幫我地搬行李上去己經好開心. 之後我地就輕輕鬆鬆咁上山, 唔洗推著行李上山真係好輕鬆. 我地慢慢走, 見到架車上完去又下來, 原來佢地接我地上去, 佢地真係好好人呀. 隻狗見住我地上車, 就唔知點算. 我地終於到飛來寺觀景天堂大酒店. (RMB 180 / 1 room)