行程: 福岡 > 佐世保(九十九島,展海峰,海上自衞隊佐世保史料館) > 長崎(原爆資料館, 稻佐山夜景)
今天終於展開自駕之旅. 因為 book 了9:00 a.m. 去拎車, 所以今天要 8:30 a.m. 起身, 好早呀. 但 Kame 同 Buta 預咗遲到, 9:15 至到 Budget.
因為我地知道只要在預約時間一小時內取車就可以, 到了Budget, Kame 開始又好緊張, Buta 是不是真係掂? Kame 最擔心都是行錯逆頭線, 咁就真係好大穫.
辦理拎車手續都要一段時間, 職員好詳細地用日文同我地講解, 但我地都聽唔明, 唯有不斷點頭, 要付款了, 8天連保險34920円, 一定要用信用卡付款.搞掂晒, 職員終於帶我地上車, Kame 同 Buta 只帶了1個行李箱及1個背包, 放完之後還有很多空位, 之後職員帶我地去Check 架車, 架車都有很多細小的花痕, 職員自己都有示意, Kame 心諗都幾好, 我地可以加多幾條花痕都無人知.
Buta 這個時候即刻去上堂, 問點樣開水勃?高燈低燈點開?最重要係死火燈點開? Buta 成日話有什麼事就打死火燈.(咁都得)
完成晒, 最後就教我地用GPS, 雖然日文版, 但很容易操作, 只要輸入Mapcode 或 電話號碼即可, 好方便.
Kame 出發前己在網上找晒所有Mapcode, 所以今次旅程都算很順利.
Map Code http://www.mapion.co.jp/
日本自駕遊終於開始, Kame 同 Buta 出發呀. 禁煙車 Mazada 1300cc 就要跟我地8日, 希望你不會有任何損傷啦. 係喎, 租車時記得租埋ETC, 因為行IC道路時, 很方便不用每次比費用, 一次過到你還車時至比, 最重要是原來用ETC收費是會平些.
今晚會住長崎, 途經佐世保. 如果由福岡到佐世保行有料道路就只需1 hr 35mins (ETC 收費 2520円), 但Buta 驚第一次開車就即刻上高速公路, 好危險, 所以Kame 為 Buta 度身訂造了一條路, 首先行國道到佐賀大和温泉附近 (車程1 hr 30 mins), 之後再上有料道路 (ETC 1470 円 車程50 mins).
離開了福岡市中心, 少了很多車就好行很多. Buta 剛剛駕車時真是很遵守車速的規定, 保持在40左右, 但後來就要 Kame不斷提點他唔好開咁快.
天氣點解陰沉沉?
上高速了, 開始下雨, 在高速道路上, 車速限80, 但很多車都是超速, 當然 Buta 也不例外.
終於到佐世保的展海峰, 本來是來睇九十九島, 但好大雨, 白濛濛一片, 什麼都睇唔到, 唯有影個牌到此一遊, 下次來九州會再來.
離開展海峰, 去西海珍珠海洋遊覽區.
西海珍珠海洋遊覽區附近有5個 Parking, P1 和 P2 (近遊覽區) 首1 hr 是Free, 如果泊3hrs 都是100円, 至於 P3/P4/P5 首3 hrs 是Free.
Kame 同 Buta 就選擇了第3號駐車場泊車.
之後行去西海珍珠海洋遊覽區, 好在停雨了, 這艘船是遊覽九十九島的船, 由於天氣不好, 所以停航. 可以任影這兩架船. 正!
西海国立公園九十九島 2013.06.21
佐世保出名就是佐世保Burger, Kame 同 Buta 都要試試.
點解真正個包同樣本咁唔同樣? 不過都幾好味 (佐世保Burger 550円)
Buta 要試的美式熱狗 (200円), 賣相就好靚, 但 Kame 就覺得不好吃.
可能下雨關係, 很少人.
之後再開車到海上自衞隊佐世保史料館(免費入場, 免費泊車), 入面是不准拍照.
本來 Kame 計劃去石岳展望台和弓張展望台, 但天氣差, 驚去到都好似展望峰咁, 什麼都看不見, 所以不去了, 希望去到長崎天氣會好些啦.
今次Kame 同 Buta 是行國道去長崎 (行程1 hr 50 mins), 因為如果行有料道路只不過快30 mins, 但道路費要成 2520円, 唔化算, 所以慢慢開車去長崎, 順便可以欣賞日本的街道.
見有時間, Kame希望今日可以去埋原爆資料館 (浦上天主堂), 點知6:00pm就是最後入館時間, 而GPS預計 5:45pm 至到目的地, Kame 第一次叫Buta 追番D 時間, 因為Kame發覺GPS預計時間會不停地改變, 只要不太塞車, 理論上都會早過預計時間到達.
點解會咁塞車? 依家預計時間係 5:55 pm, 趕唔切了.
原來有交通事故, 過了這兒, 道路暢順很多, Buta, 又要靠你又追返D時間呀.
結果Buta 5:30pm 到了平和祈念館的Parking, 去到職員又同我地講嘢, 佢知我地聽唔明, 就寫了 18:30, 我地估佢要我地 最遲18:30 要到這樣拎車走, 因為這個Parking 要close.
行到原爆資料館, 快些入去先.
入館費 (１人200円)
原子彈
參觀完原爆資料館, 看到戰爭的殘酷, 都是希望世界和平.
我地準時 18:30 到 Parking 拎車, 泊1 hour 100円. 比完錢又開車離開, 很可惜沒時間去埋浦上天主堂.
依家開車向稻佐山公園進發(車程15 mins), 駕車時經過這裡, 摩天輪.
很快就到稻佐山公園, 其實Kame 同 Buta 目的地不是這個公園, 而是去稻佐山展望台, 看長崎夜景. 因為稻佐山公園可以免費泊車, 所以就黎這兒泊車, 然後自己用步行上山.
行上山時, 會經過小小動物園, 有鹿同Monkey.
要行600 m 至展望台.
行到中段時的長崎景
天開始黑, 開始有些燈光.
終於到了. 原來長崎是世界新三大夜景的都市. 我地見到這個banner 至知.
再向上行, 就到展望台.
越來越黑, 長崎夜景亦是日本三大夜景之一.
大約晚上8:30, Kame 同 Buta 離開展望台, 開車下山, 街道好黑, 日本街道很少街燈, 簡直看不到前面的路. Buta 很小心, 慢慢開車下山.
終於到長崎酒店, 我地在附近找個位置泊車, 在這兒泊車 18:00 至翌日 8:45 都是500円, 因為Hotel 泊車要1050円, 所以今次就泊在街上. 我地第一次泊車, 仲要泊在街上, 心諗會唔會比人偷車? 安唔安全? Buta 特登影張相證明自己將架車泊在這裡。
行咗一日, 主要都是駕車, Kame 都有幫手駕下車, 每當Kame 負責開車時, 一定不能在預定時間到達, 因為 Kame 實在太遵守交通規則了, 呵呵!
想回今天是第一日駕車, 只是食了一個佐世保burger, Kame 同 Buta 都太肚餓了, 於是在酒店附近找食店, 日本很好, 有很多食店都開到很夜, 一定不怕餓親.
又食拉麵同餃子, 加冰水, 日本唔知點解一定是冰水? (2碗拉麵和1碟餃子合共 1700円)
食飽飽, 終於回酒店休息, 這間酒店很靚又乾淨
就是這間 Chisun Grand Nagasaki (6300 円 / 1 room) 無早餐.
沒有留言:
張貼留言