行程: 福岡一日遊 (博多站, 博多運河城)
Kame 和 Buta 今天差不多11點至起身, 起身後就行去博多運河城. Kame 正在煩腦明天幾點出發去機場好呢? 因為明天搭早上 9:50 的飛機. 無端端 Kame 諗起 Check-in 時,
見到這間 Tokoyo-in 有shuttle bus, 不知可不可搭呢? 於是我地就去reception 問職員. 原來這間Tokoyo-inn 有free shuttle bus 去博多車站或機場, 我地book 酒店時都無注意到有咁好的服務. 於是即刻預約明天出機場的車, 原來得兩個時間選擇, 好似得 7:00 同 7:20. 我地就選擇了 7:20 . 搭早機都幾好, 至少有shuttle bus 搭.如果搭下午飛機的話, 咁唯有搭shuttle bus 去博多站再自己搭地鐵到機場. Book 完明天的坐位, 就等車出博多站, 本來想影下shuttle bus 的時間表, 但相機剛剛沒電, 又要趕住上車, 所以影唔到.
很快就來到博多車站, 這個車站是一個大站, 可轉搭 JR 列車. 車站出面看到工作人員正在砌這個山笠. 其實山笠代表什表呢? Kame 開始想睇多些書, 了解不同地方的文化.
唔知點解Kame 看見這些公仔, 就諗起小丸子.
Kame 知道博多站附近有郵局, 所以就周圍找郵政局. 途經這個雕像, 這是黑田節, 塊牌是這樣寫的.
每次寄信前, Kame 一定要同張 postcard 影相, 因為怕寄失. 但好好采, 直至目前為止, 都沒一次寄失過. (郵費寄香港 70円)
寄完postcard, 就可以好安心咁shopping 了. 博多車站有個好大型的商場, 最高幾層是食店. 於是我地就搭升降機到十幾樓了. 望入這個店舖, 見到很多人正在煮嘢食, 應該是上緊烹飪班.
差不多中午12時, 我地還未食嘢, 於是就求其揀一間食店. 這間應該專門食餃子.
我地叫了一個飯和一碟餃子, 不過Kame 覺得味道不好吃. (合共 780円)
食完, 在博多站上的商場行一陣, 就向博多運河城進發. 今天就是 Kame shopping 的大日子, Kame 見到好多嘢都平過香港好多, 真是想買很多嘢返香港. 去到博多運河城 Canal City, Kame 第一時間就到 Uniqlo, 因為這裏的衫褲價錢是香港的一半, 同一件衫, 半價, 真係好抵. 如果是Uniqlo 的fans, 記得來日本掃貨. 另外, 又入了間 Bershka 的衣服店, 這間價錢都很便宜. Kame 和Buta 在日本都買了很多衣服. 後來在香港將軍澳見到這間店舖, 原來它已進駐香港了.
大出血完, 就去了這間食蛋包飯. 其實 Kame 一直對蛋包飯無乜好感, 但都來試試, 是因為比這些雪糕吸引住了. 一個set 有沙律, 湯, 蛋包飯, 雪糕和飲品. (1 set 要 1449円). 好豐富呀.
湯和沙律, 唔錯幾好飲
我地揀了芝士蛋包飯, 其實有好多不同的蛋包飯供客人選擇. 這個蛋包飯真的又幾好味.
比個牌你先, 來得雪糕就比返我啦.
嘩. Surprise. 點解來了兩個雪糕? 當職員放下兩杯雪糕時, 我地同她說我地只叫了一個set. 但職員又用日文同我地講, 我地又唔明. 佢都知我地唔明. 職員好好笑容話 "ok". 算啦. 我地都唔識同佢溝通. 唯有食多一杯雪糕啦. 如果埋單時, 收埋這杯雪糕錢都無法了. Kame又無端端醒起, 剛才Kame 好鐘意多多手咁周圍拎傳單, 記起依家 Canal City 內有些商店會有不同優惠給遊客, 於是搵返本嘢睇下是不是真? 結果, 原來這間店舖是會送多一杯飲品. 我地諗返落單時, 當我地點完杯飲品, 職員又指飲品要什麼? 我地還以為她忘記了我地叫什麼飲品, 原來她是想同我地講送多一杯飲品. 哈哈. 真係要學返少少日文至得. 好開心, 有多一杯雪糕食.
沒有留言:
張貼留言