新加坡熱熱閙閙之旅 - 五天 - Day 4

行程: 酒店 >  河川生態園 River Safari > 牛車水 (天天海南雞) > 新加坡犘天輪 > 螺旋橋 Helix Bridge > 夜遊魚尾獅 > 酒店

9:00 am 一早就在 lobby 集合, 我地又搭的士到河川生態園 (車程: 20 mins 費用S18.5 / 1 程), 好多車排隊入動物園的方向, 因為河川生態園和動物園是在隔離,
加上今天是星期六, 所以特別多車. River Safari 是新加坡今年至開的新景點, 但亞馬遜河探索遊船還未開放, 所以依家門票是便宜些. 

新加坡都有熊貓睇, 牠們叫 "凱凱和嘉嘉"

行去河川生態園的入口, 今天天氣很炎熱.

之前去了裕廊飛禽公園公園時買了2 in 1 門票, 所以我地已經有門票了, 可以直接入場. River Safari 入閘地方.

入場了, 沿途有遮蔭, 好采, 不覺太熱, 行得好舒服.

Rivers of the World. River Safari 分很多區域有Mississippi River, Congo River, River Nile, Ganges River, Murray River, Mekong River, YangTze River, Giant Panda Forest, Wild Amazonia, Squirrel Monkey Forest and Amazon Flooded Forest. 

我的至愛烏龜

這是什麼? 好大隻, 好似一隻巨大烏龜 - 鰐齜龜.

今天天氣真係好好.

又見到另一隻品種的龜.

好大條呀. 這隻叫印度鰐.

Murray River 墨累河

又有好多好特別的魚睇

你又係到做木頭公仔?

到熊猫館了, 行到熊猫館就差不多行了一半路程

你又不出來同我地見面? 好在我部相機可以zoom 到好近影下你.

Q版熊猫圖

都幾趣緻

一出熊猫館就有間餐廳, 不過今日真係好多人. 無位.

我地繼續行

真是好采差不多全程有遮蔭. 如果唔係, 就大穫, 一定好熱好熱

臨走, 就入去Amazon Flooded Forest, 又過下冷河先. 這隻是大水獺

這隻是海牛.

離開河川生態園. 出閘了. 出面有間叫河川茶居, 好多人排隊, 我地今天的lunch 就在這間吃.

大蝦撈麵, 味道一般.

食完lunch. 老人家又返酒店休息. Kame 和 Buta 又繼續行程. 我地就搭的士去最近的MRT Ang Mo Kio 宏茂橋(車程: 20 mins S11 / 1程). 之後再由Ang Mo Kio MRT 搭到 Chinatown (車程: 23mins S2 / 人)

又來到牛車水, 又見到坤記, 好想食多次, 但今次來牛車水目的是去Maxwell Food Court 熟食中心, Kame 和 Buta 要特登去試天天海南雞飯.

完全無地圖, 無指示牌. 真係完全憑直覺亂行.

原來牛車水原貌館就在這裏.

是什麼節日呢? 寫住 " HAPPY BIRTHDAY" ?? Kame 真是不知從那個方向行, 唯有問下人啦. 好在無行錯.

登婆街

好似香港旺角的女人街.

有個廟

對面就是Maxwell Food Court. 終於找到了.

依家不算大多人, 都有空位坐. 可能是下午4點的關係啦.

當Buta 排隊買海南雞時, Kame 就買了杯甘蔗汁飲(S1.5). 好好飲. 好清甜. 來到新加坡愛上了飲甘蔗汁.

Buta 俾完錢(S3.5). 又要排另一條隊再等拎海南雞飯. Kame 和 Buta 試完就覺得一般. 可能食慣了泰國的雞飯, 所以覺得泰國好味好多.

食完Tea, 又搭的士來到 Singapore Flyer.(車程: 8 mins 費用S7.3 / 1 程)

的士下車的位置. 在這裏購票上摩天輪要S33, 但在海倫旅遊購票只需S20, 點解可以平咁多?

嘩. 好心急想快些上去. 第一次坐咁大型的摩天輪.

因為未人齊, 所以又買返杯飲品先. 見了杯Oreo 沙冰(S2.8), 平時 Kame 覺得沙冰不好飲, 好似食冰咁, 無味. 但今次飲這杯沙冰, 簡直喜出望外, 好好飲, 不覺得好冰, 仲好有Oreo 味.

人齊了, 出發去新加坡摩天輪.

入閘後, 有模擬 x-ray. 但原來真係要經過行李檢測站. 隨身物品要經過 x-ray.

Check 完隨身物品, 看見這個1 : 500 的Singapore Flyer 模型.

每個箱可以坐28人.

不是太多人. 好快就上摩天輪了. 我地有13人, 真係包箱, 好正, 無其他閒雜人等阻住影相.

一入到去, 就四周圍影. 日景都幾靚. 新加坡無論日景和夜景都好靚. 真係好似好似香港.

好快就轉到好高.

又影去金沙果邊先,

咁快就30 mins, 要下摩天輪了, 真係好唔捨得. 原來得30分鐘對於Kame 和 Buta 來講是不夠用的.

玩完摩天輪, 就在附近食Dinner. 有間樂天海鮮餐廳. 不過我地又無訂位, 只得出面路天的位置. 所以我地走來路邊攤食. 路邊攤就是一個Food Court 咁. 有好多不同店舖選擇.

Kame 叫了一碗魚旦米線. 味道還可, 但Kame 就覺得上次在金沙Food Cout 食的麵就好味好多.

Buta 就叫了大蝦麵. 味道ok 啦.

食完dinner. 老人家又先返酒店休息. Kame 和 Buta 又繼續夜遊新加坡. 今次就諗住由Singapore Flyer 行去魚尾獅. 途經這條F1賽道. 下個月新加坡會舉行F1 賽車比賽.

近距離影下摩天輪夜景.

又是F1 賽道. 條路好光猛.

來到螺旋橋.

新加坡必試的雪糕三文治. (S1.2)

都有好多人買. 我地買了一個朱古力味的三文治雪糕. 有得比你揀用乜來夾住個雪糕. 我見到真係有人用方包去夾雪糕食. 好特別. 我地當然揀了用威化餅夾住. 正常些麻.

買完雪糕, 繼續向魚尾獅進發, 向著 "波羅釘" 方向行.

都幾熱, 我地就進入波羅釘嘆下冷氣. 有人唱歌有人伴奏有表演睇.

睇完一陣, 就經過波羅釘去魚尾獅的橋

來到魚尾獅了. 可以景下魚尾獅夜景.

細魚尾獅和大魚尾獅合照

新加坡地標 - 魚尾獅和很多高樓大廈.

今次可以行到魚尾獅的正面, 望下佢乜樣? 它的正面都幾樣衰.

影佢背脊或側面靚啲.

  
返酒店了. 又要做指定動作, 就是寄返張postcard 返香港.

今次我地俾了張無貼郵票的postcard 酒店, 酒店會有人幫你寄(S1), Kame 每次叫酒店幫手寄都會好驚, 驚佢地是不是真的幫你寄?? 好采返到香港真的收到.

Written on October 8, 2013

上一篇文章: 新加坡熱熱閙閙之旅 - 五天 - Day 3

下一篇文章: 新加坡熱熱閙閙之旅 - 五天 - Day 5