行程: 酒店 > 裕廊飛禽公園 > 牛車水的珍珠大廈 > 濱海灣花園 > 金沙(聲光水舞秀) > 酒店
這間酒店有包早餐, 都有很多款揀, 味道還可.
Kame 覺得粥幾好味, 但鮮奶加麥片就很難食了.
食完早餐, 約大家 9 am 在酒店 lobby 集合. 之後就搭Taxi 到裕廊飛禽公園 (車程21 mins 費用S16.85 / 1程). 一下車就見到 Jurong Bird Park 的牌.
在這裏影了張大合照, 就行去售票處.
因為我地計劃會去埋河川生態園, 所以我地買了 2 合1 門票, 每張成人 S39.
夜間動物園, 河川生態園, 新加坡動物園, 裕廊飛禽公園可以由這4個景點任由配搭, 提供2合1, 3合1 及4合1 選擇. 每個配搭的價錢都不一樣.
裕廊飛禽公園購票處隔離有間餐廰食burger.
這個就是購買景點門票的地方, 無人排隊, 好少人.
嘩, 好多張入場券呀. 我地開始進入雀仔世界.
一入到去, 就看見有企鵝睇, 即刻入去避暑先.
企鵝真是好得意, 成個木頭公仔咁, 唔識郁, 仲會定型定好耐.
游下水黎睇下啦? 你地做乜企晒係到.
這隻企鵝咁特別, 會著衫的. 唔通佢係這裏的領導人?
過完冷河, 又返出來. 好爽.
成個公園好似得一間是賣紀念品.
買 2 合1 門票是包括埋搭Tram, 這間小火車有2卡, 在公園會停 3個站. 第一個站就是Main station. 一入門口行一段路就到.
我地就在Main station 上車, 之後去第2站: Lory Station. 一下車, 我地就來到 Lory Loft. 有好多好漂亮的鳥.
比隻手指佢, 佢唔驚, 以為有嘢食, 會走過來. 結果咬佢手指, 知道比人扼咗, 都無嘢食. 之後, 好驚咁飛走了.
雀仔周圍飛, 無端端會在你後面出現.
你地無嘢食添.
行完Lofy Loft. 就搭Tram 去第3站: Waterfall Station.
Kame 影這個景時, 無諗過這隻鳥是真的. 仲要隻雀企到好直. 真係假得佢吖.
繼續行, 就見到這個瀑布, 影完個瀑布就離開這裏.
行返出來搭車等待時影返幾張相
之後唔知從邊到出現多3隻.
有車來了, 即刻搭車走. 點知又無人下車. 我地唯有不繼攝位, 好采無端端有2個人下車, 咁就剛剛坐晒, 不要再等下一班. 我地出發返第一站的 Main Station.
到 Main Station
要離開裕廊飛禽公園了
離開裕廊飛禽公園, 公園出面有2間餐廳, 一間食burger, 另一間就食飯或麵.
Kame 就叫了一個海南雞飯 (S9.5) 兩個食, 因為Buta 還很飽. 還叫了一杯甘蔗汁 (S3.5). Kame 覺得海南雞飯一般, 但甘蔗汁就好好飲.
很特別的枱和椅. 適合小朋友用.
食完lunch, 兩位老人家就回酒店休息. 而我地就搭 Bus 194 巴士出EW27 Boon Lay MRT (S1.4 / 1人). 架巴士又新又靚, 坐得幾舒服.
很快就到文禮地鐵站
這個是港式菠蘿蛋撻? 點解我在香港咁耐都未食過.
路過完就搭MRT, 用番昨日的車票增值. 我地今次由文禮站去牛車水站 NE4 Chinatown. (車程: 32 mins 車費S2.1 / 1人)
嘩, 要搭半個鐘, 都幾遠喎.
我地在EW16 Outram Park 這個站轉車, 由綠色線轉紫色線, 搭一個站就到了.
新加坡的地鐵好新好乾淨
今次來牛車水的目的是去搵旅行社, 因為Kame 之前上網睇到原來在新加坡旅行社買門票會平好多, 所以Kame 和 Buta 特登來牛車水買平價門票.
到牛車水站, 出珍珠大廈的出口, 一出地鐵站就會看到這個商場, 上3樓(應該是最高果層), 有間海倫旅遊是專賣景點門票, 你一入到去, 職員已好醒地比張價目表你睇, 入面寫到很清楚每個景點的入場門票的價. 我地就在這間海倫旅遊買了明天去的環球影城門票 (S65 / 1張成人, 原價 S74), 買環球影城感覺無咁抵. 在這裏買新加坡摩天輪門票 (S20 / 1張成人, 原價S33), 真係平了很多.
海倫旅遊位於珍珠大廈3樓
一次過買咁多張, 有成條咁長, 都有4-5款比你揀. Kame 即刻揀起最靚果2 張先.
珍珠大廈入面有很出名的亞坤咖啡店, 最出名是食咖央吐司 (Kaya Toast)
我地叫了Set A: 有Kaya Toast with Butter (2 slices) 咖央加牛油吐司 + 1個蛋 + 1杯飲品 (S4.6)
這個就是咖央加牛油吐司, 第一次食咖央, Kame 和 Buta 都覺得好好好好味.
特製的蛋, Kame 初時以為是完全生雞蛋, 點知? 係半生熟, 仲要很特別的口感, 正~
食完唔夠, 因為太吸引了, 所以再加多個吐司, 今次叫了Cheese Toast with Kaya (1 slice) (S1.8) 不過這個無咁好味.
食完, 就離開珍珠大廈, 再附近逛逛, 影幾張相就離開牛車水.
下站我地會去濱海灣花園. 由牛車水Chinatown NE4 到 Bayfront CE1 (車程 19 mins, S1.5 / 1人)
我地要在Dhoby Ghaut CC1 這個站轉車由紫線轉黃線, 之後在Promenade CC4下車, 在搭去 Bayfront CE1. (但官方網教你由紫線 Chinatown 到 Dhoby Ghaut 轉紅線到 Marina Bay 再轉黃線到 Bayfront.)
記住睇清楚下一班列車是不是向 Marina Bay 方向, 否則就會搭錯車了.
終於到 Bayfront CE1, 跟住指示牌走, 就會來到Gardens by the Bay 即是濱海灣花園.
唔好以為由地鐵一出就會到好快到 Flower Dome 呀. 我地是行了很耐很耐, 快行起碼都要15 - 20 mins 至到. 因為我地約返老人家在這個位置等, 結果我地大遲到. 佢地搭的士來濱海灣花園, 下車的位置就在Flower Dome 附近.
這些特別樹是濱海灣花園的標記呀.
無論邊個角度望去都好特別.
遠望又見到金沙酒店. 濱海灣花園有條橋可直達金沙酒店.
來往濱海灣花園和金沙酒店的橋上影的相.
不同方向影過去, 都好靚好靚, 新加坡旅遊的發展, 真係發展得好好. 無論近影
或是遠影
都咁靚
遠望的犘天輪, 兩日後我地會近距離找你呀, 你記得等我!
Kame 每行一步都要影一影, 想捕捉到不同角度影埋去時的景.
行完這條很長很長的橋 (其實一路影一路行, 感覺行了半小時), 就來到金沙酒店, 這些就是住客住的room. 原來入面都好特別.
穿過這個地方, 又出返外面, 我地在游池下面呀.
這個是金沙商場, 商場隔離是賭場, 不過我地無入去賭場.
到金沙商場搵Dinner 食
我地就來到鼎泰豐食dinner.
例牌一定會叫的小籠包. 但Kame 食過幾間的鼎泰豐, 始終台灣是最好食.
食完dinner, 老人家又回酒店休息, Kame 和 Buta 繼續夜遊.
來到金沙這邊, 一定會看聲光水舞秀 (Water Fall), 每日 8:00 pm 或 9:30 pm 二場, 我地趕得切睇 8:00 果場. 差不多要走到商場最高, 有個平台出去, 向海邊行就見到.
早到影新加坡夜景, 又再一次感覺好似香港夜景, 都是咁靚.
開始呀, 聲光水舞秀, 有激光表演
會有影像睇. 記得不要企到最接近海邊的圍欄, 因為會不斷噴水, 會令你塊面濕晒, 所以企在平台上已足夠.
幾特別, 好似睇緊電視.
好火.....
會噴到你濕晒的水
看完聲光水舞秀就行返去濱海灣花園睇 show
又經過金沙酒店.
又行返來往金沙酒店和濱海灣花園的橋
我地行到橋的末端, 欣賞濱海灣花園的燈光show. 每日有2場 7:45 pm 和 8:45 pm. 但未開始都己著燈.
到 8:45 pm , 會聽到一些音樂, 我地諗表演開始, 反而熄晒所有燈, 又一個一個咁著返? 不過個人認為無乜好睇. 因為晚上本身這些樹都會著燈, 如果是表演中, 啲燈只不過是閃來閃去, 無乜特別. 其實以下這張相是表演完至影的.
夜景的濱海灣花園, 都很靚. 不妨來欣賞夜景.
Written on September 28, 2013
上一篇文章: 新加坡熱熱閙閙之旅 - 五天 - Day 1
下一篇文章: 新加坡熱熱閙閙之旅 - 五天 - Day 3
沒有留言:
張貼留言