龜龜 SkyWorld: 新加坡熱熱閙閙之旅 - 五天

行程: 酒店 > 環球影城 > 繽海灣花園 > 酒店

今天, 又約大家9:00 am 在酒店 lobby 集合, 前一晚已 book 了酒店的 shuttle bus , 但得11 個位所以要有2個人要用任何途徑出 Novena 地鐵站等.

得Kame 和 Buta 是最年青力壯, 所以我地決定由酒店行去地鐵站. 好采之前行過一次, 所以行返去地鐵站是完全識路. 我地 8:45 am出發, 順手影下新加坡街道.

這座樓好靚, 是不是豪宅呢?

新加坡的建築都幾特別, 會有好多不同形狀.

Kame 一路行一路周圍影, Buta 突然話 " 你影果邊, 小心警察捉你, 之後佢叫我自己望個牌", 嘩, 咁恐嚇人. 好驚.

這座建築又好靚, 叫 Mount Elizabeth Novena , 原來這間是醫院.

一早起身就周圍行, Kame 至感受到去緊旅行. 所以Kame 從來不喜愛搭Taxi 出入酒店同景點. 咁快就到 Square 2 就是連接 Novena MRT 的商場.

等齊人就出發搭MRT, 由 Novena NS20 到 HarbourFront NE1 (車程: 20mins S1.9 / 1程) 我地又要在Dhoby Ghaut NS24 轉車由紅線轉紫線. 到 HarbourFront 站, 就向VivoCity 方向行.

上3樓, 就看到Sentosa Counter, 如果要入聖淘沙, 就在這兒購票買 Sentosa Express (S4 / 1人)

有自動售票機和櫃位, 我地排了自動售票機買票, 我地買了11張車票, 但竟然出了10車票就找錢了. 真是不幸, 唯有又同職員講啦.

安全入晒閘, 就看見Sentosa 列車.

去環球影城搭一個站就下車, 好快. 就是在Waterfront 濱海站下車.

樂園在於Kame 和 Buta 來說是一樣很開心的活動, 我地一定盡可能玩晒所有遊戲. Kame 和 Buta 第一次去環球影城是在日本大阪, 記得我地在大阪時玩到最後睇3D戲時, 是睇到睡著了. 而最好玩就是蜘蛛俠和侏羅紀. 今次是第二次去環球影城就是新加坡. 但聽人講新加坡的環球影城仲細過香港的迪士尼樂園.

終於見到 Universal Studio 的地標, 必影的景點.

我地的入場券呀. 因為一早買定, 所以不用排隊購票, 但今日好似無乜人咁. 但聽人講有時好多人, 連門票都買不到.

一入環球影城就看見"最大的敵人- 就是樓梯" 的功夫熊貓, 因為這個說話, Buta 從此愛上了他.

一進入環球影城, 就會看見兩邊有很多商店賣紀念品. 這條就是Hollywood.

Universal Studios Store

Hollywood大街的盡頭就看見藍紅的過山車.

之後我地轉左, 到荒失失奇兵地帶(Madagascar)

我地諗住玩Madagascar: A Crate Adventure, 但要有個高度測試, 竟然其中一個B 剛剛夠高, 我地好開心歡迎佢一齊玩.

嘩, 咁多圍欄, 但今日好少人, 可以一直行, 暢通無阻.

我地搭的船

好似去迪士尼咁, 一路有很多好靚的卡通人物欣賞.

嘩, 成個瀑布, 一定濕晒啦. 但架船去到就會停水, 逃過一劫.

Kame 覺得都坐了很耐, 終於看完咁得意的卡通

離開時又會經過店舖.

又遠影這個藍紅過山車.

這個是旋轉木馬, 不過我地無坐到.

玩完荒失失奇兵, 之後到史力加地帶 (Far Far Away). 我地又入去睇Shrek 4-D Adventure.

都等好耐, 次次睇4D戲前都有個簡介俾你睇.

玩完 2個遊戲都差不多12點, 又要搵地方食lunch. 今次我地到 Madagascar 的 Marty's Casa Del Wild.

間餐廳得3個餐選擇, 我地叫了兩個餐(送甜品), 再加多一杯芒果汁. (合共S31.5, 用了2張coupons 所以只需S11.5 好抵). 點解有coupon 用? 因為之前在海倫旅遊買門票時, 每張門票會包埋一張平S10 coupon. 在環球影城內餐廳用就得. 總之買多幾張coupons. 因為當時職員好似話半價賣S10 coupon, 但我地無買到, 因為唔清楚點用, 怕用不著. 依家諗返, 買多幾張都好.

食完lunch, 老人家又回酒店休息. Kame 和 Buta 又繼續行程, 我地第一時間即刻去玩變形金剛. 途經見到Sesame street. 不過不停留住, 一陣再返來玩. 因為聽人講變形金剛要排好耐, 所以快些去排隊.

New York 地帶

終於來到我地好想來的玩的 Transformers 變形金剛呀. 竟然排隊等候時間是5 mins??? 因為是什麼日子, 點解會咁少人?對我地來說, 好正.

又暢通無阻, 直行入去.

我地駕車呀, 好緊張. 好快玩完, 但真係真係好好好好玩. Kame 和 Buta 都覺得好真, 好似機械人在你面前打架咁. 有一幕仲要好似落留地咁, 好逼真. ~ 誠意推介去到一定要玩 ~ Buta 更話, 只是玩到Transformers 已經值回票價.

玩完, 途經Ancient Egypt 玩了個黑暗室內過山車Revenge of the Mummy. 都幾剌激. 不過香港迪士尼的飆上灰熊山, 就好玩好多.玩完過山車就去Waterworld 因為 3:00 pm 有表演, 所以就來Waterworld 先.

Fire Engine Access 這個是睇爆炸特技.

睇睇下, 想回上次去大阪, 都有睇過. 好似差不多一樣.

都有好多人睇喎. 如果唔想濕身, 就唔好坐藍色和綠色. 一定要坐高些坐在紅色的安全位置.

開始表演

水上有火

又一次爆炸. 好震撼.

睇完Waterworld. 我地就來到 The Lost World 迷失世界

來玩這個Jurassic Park Rapids Adventure, 我地無買雨衣, 只帶備件風褸.

這個要等30 mins

終於到我地上船呀. 在水上漂流, 間中都有水噴你, Kame 和 Buta 在大阪玩時最記得最後一幕是有隻恐龍突然出現想食咗隻船, 之後成隻船就向下衝. 而今次最特別是架船會搭升降機上升, 而上面有隻恐龍, 之後停下, 再開門滑下去, 但無刺激感, 只湧晒所有水入船, 著雨衣都無乜用, 因為最濕是對鞋.