行程: Selfoss > Urridafoss > Seljalandsfoss 水濂洞瀑布 > Skogarfoss 史克卡瀑布 > Guesthouse Steig
早上10:00, 全間 Guesthouse 得我地二人, 感覺很冷清.
早上 10:40, 終於 Guesthouse Garun 職員來找我地, 我地坐他們的車到 Garun Apartment, 因為昨晩當我地到 Guesthouse Garun, 其他住客叫我地去 Garun Apartment Check-in, 所以我地就跟他指示到 Garun Apartment, 我地架車就泊在 Garun Aparment 那邊. 但原來是一場誤會, 我地是不必到 Garun Apartment check-in, 在 Guesthouse Garun 屋外有個免費電話是可聯絡職員, 但當時我地找不到.
昨晚應該下了一場很大的雪
Buta 俾了車匙他, 他正準備幫架車抽走全缸油
這間就是 Garun Apartment, Garun 的職員好友善, 叫我地在入面等候.
等了又等.....
雪落在綠色的樹上, 好靚.
原來在落雪的地方, 他們多了一樣工作就是要剷雪
大約早上11:30, 終於搞掂. 用了30 mins 抽走晒全缸油, 依家架車無油, 維修人員話要拖我地架車去油站入油.
好緊張, 現在我地坐在車入面, Buta 就要捉緊汰盤跟住他走
Kame 繼續影相, 這間就是Post Office.
過了KFC 就到油站.
昨日至剛剛入滿油, 依家又要付錢入油, 好心痛. 用了 1張 ISK 10000 都不夠, 要入去再買油咭.
終於整返好架車, Kame 成個人都開心番. 見到油站 Nesti 便利店有熱狗買, 就買了一個. 好好味.
Buta 駕車返來我地住的Guesthouse Garun, 拎行李準備出發, 繼續我地冰島之旅.
Selfoss 鎮有Bonus, 又開車來這間Bonus 入貨.
這個就是冰島最出名的乳酪 Skyr, 我地差不多試晒全部味道. 但竟然覺得最好味都是第一次買的味道, 但Kame 都忘記是什麼味.
可能天氣太凍的關係, 這杯乳酪的口感好似雪糕.
去完 Bonus 入貨, 依家開車去第一個景點 - Urridafoss (由 Selfoss 去 Urridafoss 車程大約 15 mins). Urridafoss 不是一個出名的瀑布. 見條路就知有幾不出名, 好似無車行過這條路.
跟著GPS 走, 見到這個路牌就停車了. 我地都不知這個路牌代表什麼. 安全起見就下車, 用步行方法行入去.
行了一陣
就見到小型瀑布
影了幾張相就離開, 離開時竟遇上冰島馬.
很近距離見到冰島馬, Kame 很高興, 覺得冰島馬很靚, 很乾淨, 很高貴.
離開 Urridafoss, 就向第二個景點 - Seljalandsfoss 水濂洞瀑布前進 (車程: 40 mins)
冰島周圍都是白色的雪.
一下車遠望就看見這個 Seljalandsfoss
真的都幾壯觀
地上又濕又泥, 行完這條路, 對鞋已黑蚊蚊.
走入這個洞, 代價就是全身濕晒, 相機都濕晒, 至在到此一遊, 即刻走人.
以極速影幾張相就離開這個洞
很容易滑倒, 小心小心.
條路都幾崎嶇
終於離開又黑又濕又崎嶇的路. 在外影過去已夠美了.
我地的車就是泊在這裏, 基本上冰島景點都是免費泊車.
全身濕晒上車, 即刻用紙巾抹乾. 又再次開車進發. 部相機濕晒, 影出來的相兩邊濛晒.
好采很快相機的霧散了, 可以繼續影相.
向著第三個景點進發 - Skogarfoss 史克卡瀑布 (車程: 30 mins)
遠處見到瀑布
行行下, 發覺不對勁. 好似沒路走.
越行越多雪, 好似無車行過, 發覺行錯路了, 回頭出返1號路.
原來我地早了轉左, 依家行返正確了.
一下車, 就見到瀑布和一條很長很高的樓梯.
又看見這架黃色車, 我地去邊都見到這架車.
Buta 好似不想走上這條樓梯, 見到都腳軟.
抱著冒險精神, 點都要走到最高看看有什麼看.
Kame 已行到垂頭衰氣了.
點解可以有咁多級樓梯?
越高越多雪
到了, 在這裏望向剛才的瀑布.
又有條梯, 可以跨過去.
Kame 輕型的身體很快就踏上條梯. Buta 你小心踩爛條梯, 否則我地出唔返去.
穿過條梯, 繼續探險
這裏有很多雪, Kame 見到咁多雪又忍唔住, 拎起支自拍神器寫字
完全看不見寫什麼.
這個就寫得幾好 " ICELAND"
與大自然融合一體
行遠些就看見這個瀑布.
影完幾張相又要行返很多級樓梯落去, 我地想去埋瀑布, 所以我地就轉右下山. 行行下又覺得不對勁, 因為見住上來的人全部都好似要爬上來咁, 好似很難行, 結果依家好似玩滑梯滑下去.
見到 Buta 的模樣就知這條路是好好玩.
一直滑一直滑.
真的一條好快到地面的捷徑.
來到 Skogarfoss
又很大雨呀
Buta 和 Kame 站在瀑布, 覺得自己太渺小呀, 大自然的力量很厲害.
欣賞完那麼壯觀的瀑布, 又要離開.
今天只計劃去三個景點, Kame 心想好采今天是沒什麼行程, 所以遲些出發都沒大問題.
終於又看見藍天白雲.
很美的天空.
冰島的美景百看不厭
現在開車前往今晚的住宿 (車程: 20 mins)
一間很靚, 很乾淨的 Guesthouse - Guesthouse Steig Eur 67 / 1 room
一進入房間
Kame 喜出望外, 很高興地說: 第一次望住雪山瞓覺
很靚很靚, 其實在冰島望出窗外, 周圍都可以看見雪山
Guesthouse 的 Kitchen, 很大很靚.
在 Guesthouse 的客廳影出外的景
晚上 6:30 就到 Guesthouse, 很多時間煮嘢食.
本來想用Guesthouse 的廚房, 但開始有其他人煮嘢食, 所以我地都拿回房間慢慢煮.
烚蛋白是最簡單, 最快捷, 最方便的食物.
第一次煮烏冬食, 加少少蔥花和紫菜, 好味.
其實買一支讚岐烏冬汁, 已經可以好好味
大約晚上10:30, 我地食飽完洗完嘢, 很悠閒, Buta 就出去客廳望下見不見到極光. Buta 回來後同 Kame 講, 有人話出面有極光睇. Kame 即刻拎腳架相機, 著返禦寒衣物, 跑出屋外, 一開門就看見有幾個人向著天空拍照, Buta 就set好腳架, 跟著人向天空影相. Kame 就走去另一個 set 好腳架的西方人, 望下他會影到什麼, 他 set 了很長時間15秒. 閃完後我即刻走埋去望, 嘩, 真的很靚的綠光. Kame 很興奮即刻跑向 Buta 身邊, 問: 你呢? 你影唔影到? Buta 俾幾張相Kame 看, Kame 看完, 就話人地剛才張相好綠的.
可能是方向問題, 所以鏡頭向著那邊, 我地就跟人影.
慢慢我地開始憑眼睛估到極光的出現. 用眼睛看, 就好似黑夜中有一層層白色的雲.
一會兒, 會消失, 突然又出現.
Buta 第一次用曝光5 秒來影, 而其他人用曝光20秒, 原來 Buta 一時記不起要調細光圏和加長曝光時間.
大約影了半小時, 其他人都走晒, 我地之後都影不到極光, 望上夜空, 第一次看見很好星星, 很美. 影多一陣我地都回房間, 上網看極光活躍度得 2.
極光實在太奇妙了. 原來真的很難才遇上極光, 就算極光活躍度很高, 但都要碰上沒有雲層的夜空才能看到.
很幸運遇上你!
Written on July 3, 2015
上一篇文章: 奇妙極光冰島英國自駕遊 - 十六天 - Day 3
下一篇文章: 奇妙極光冰島英國自駕遊 - 十六天 - Day 5
沒有留言:
張貼留言