奇妙極光冰島英國自駕遊 - 十六天 - Day 2

行程: 英國 Manchester > 冰島 Keflavik

昨晚 Kame 和 Buta 都很早就睡了, 所以今日 Kame 早上 8:00 就起身. 昨日Check-in 時, 酒店職員問我地會預約幾點車到機場, 我地就預約了早上10:30. Kame 見時間尚早,

就諗住自己出去行一陣就回酒店, 但 Buta 又話要一齊出去, 結果 Buta 9:00 就起身. 今天英國一早的天色很靚.  

Bewleys Hotel

我地周圍行, 周圍影.

行行下, 行去 Crowne Plaza Manchester Airport 酒店, 這間酒店高級很多.

又行去Tram Station 方向

影完幾張相, 就回酒店.

準時10:30 Check-out, 搭 Shuttle bus, 很快就來到 Terminal 1.

今次搭冰島航空 Icelandair 由英國 Manchester Airport 到冰島 Keflavik International Airport 

來回機票 GBP 216 / 1人

Icelandair FI441 12:25 在 Terminal 1 起飛

順利過關, 行李箱21.4 kg.

背包 12.2 kg. 因為是背包, 所以職員又叫我地拎這個背包去另一邊寄存.

每次離開英國境, 保安很嚴格, 過手提行李關要等很耐, 我地好似用了30 分鐘至成功過關, 所以記得要預多些時間. 每次過英國行李關, 差不多全身的物件要除晒, 如外套, 靴, 皮帶... 

終於到機場禁區了, 一出境, 就見到這個景色, 不錯.

Fruit Ninja, Kame 和 Buta 都曾經玩過這個遊戲, 這部入錢就可以玩.

終於顯示我地登機閘口了. 出發去 Gate 26

見到 Burger King, 就買了一個餐 Whopper Meal (GBP 6.39)

開始登機, 第一次搭 Icelandair

Icelandair 的 logo

英國 Manchester 和 冰島 Keflavik 相距1027 miles, 機程大約2.5 hours.

繼續向北面進發.

準備起飛

起飛了, 飛機正在轉彎

又飛到很高了, 又看見藍天白雲的美麗天空.

Icelandair 會提供免費飲品, 但沒有提供飛機餐, 如客人想點餐, 可自行選購.

Kame 不見有提供 Headphone, 難道這間航空公司要自備 Headphone 上機.

2.5 小時很快就到, 很快就降落北緯 66度 - 冰島.

下機了

跟著人群走

我地班機 15:07 到達, Belt 3 拎行李. 入境很快.

來到3號行李位

行李都出得很快, 很快就拎行李離開.

在Keflavik International Airport 有找換店, 我地用了 Eur 200 兌了一些冰島錢, 其實在冰島可以不用兌太多冰島錢, 因為冰島到處都可以簽信用卡. 

今晚的住宿, 我地又特登選擇了一間有提供 Free shuttle bus 的酒店 "Bed and Breakfast Keflavík Airport". 前一日, Kame 已特登叫 Buta send email 給這間酒店, 通知他們我地將會搭 FI 441 航班, 得到 email 的回覆就是叫我地在這個黃色的 Meeting point 位置等候.

等待中, 我地就出去影了幾張相後, 就跑回室內. 因為出面很大風, 很大雪.

等了又等, 是不是真的會有人來接我地? 我地沒有電話 (其實 Kame 在香港時特登為這次旅程申請漫遊服務, 因為在冰島這個荒蕪的地方, 發生什麼事都可以打電話求救), 在機場找不到 Information Centre. 唯有繼續等待, 非必要都不用漫遊服務.

見到了, 終於見到 Bed and Breakfast Keflavík 的 Shuttle Bus. 好采他們的 shuttle bus 有很大個酒店名, 很容易見.

第一日踏足冰島, 就感受到大風雪.

很快就來到酒店, 但竟然到酒店時很好天. 果然變幻莫測.

Check-in 完, 我地房間是上一層, 所以 Buta 要搬行李上樓梯, 因為沒有升降機. 間房幾大幾乾淨. (Eur 57 / 1 room)

今日上機前只食了 Burger King, 依家大約下午4:30, 就開了一盒在香港阿信屋帶來的朱古力餅, 好好味.

天氣很好, 我地依家打算行去 Bonus, 2 km 大約要行30 mins.

剛剛到步, 感覺冰島真的和其他國家很不同.

紅色屋就是 Bed and Breakfast Keflavík Airport 酒店

我地拎著 Nokia 手機, 因為要靠它帶我地去目的地. Nokia 手機真的很好, 只要下載地圖, 在外地不用上網都可以教我地去景點. 這個旅程都是靠晒你, 你千萬不要壞. 

依家好好天, 但都很大風.

繼續向 Bonus 進發.

行行下, 好大風, 好大雪, 又有冰塊打入塊面, 很痛.

Reykjavik 就是冰島的首都和最大的城市. 我地今日的住宿是近機場.

Kame 和 Buta 一路行, 見不到其他人. 只見到汽車經過.

在荒蕪的地方一個人影都不見.

繼續走, Buta 一定係到埋怨緊 Kame 點解要行出來, 明天駕車來就得.

Kame 感受到在強風下走半小時, 真的很痛苦, 好似已經捱了3小時

幾經辛苦終於來到 BONUS 了. 這間超市賣的物品是比較便宜的

買完 (ISK1200), 就回酒店, 我地諗起出面很大風, 諗起就不想出去.但都係要回酒店無法, 我地為了快些回去, 所以行捷徑, 

很快就行到這裏.

這個鎮的地圖

又開始刮大風下著雪, 再次踏入艱辛旅程, 加上我地沒有著上足夠的禦寒衣物.

出去探險完, 終於回到酒店, Kame 凍到震, 即刻開大暖爐取暖. 兩日沒食熱騰騰的食物, 今晚一定要食好美味的出前一丁, 每次歐遊, Kame 都好期待食出前一丁, 因為覺得特別好味.

真的好好好味.

在 Bonus 買了牛油和火腿, 就煎來食.

大自然的威力真厲害. Kame 一路行, 就發覺自己雙腿很凍, 因為當時 Kame 是著綿褲. 當雪打入綿褲就濕晒, 仲係是冰水咁凍果隻, 去到 Bonus 時, Kame 覺得兩隻腳企唔直, 但都要堅持行落去. 回到酒店, 就發覺兩隻腳都紅腫, 又痕, 不知是不是凍傷了. 好采第二日早上就沒事了. 

Written on April 25, 2015

上一篇文章: 奇妙極光冰島英國自駕遊 - 十六天 - Day 1

下一篇文章: 奇妙極光冰島英國自駕遊 - 十六天 - Day 3