龜龜 SkyWorld: 日本四國自駕遊 - 十四天

行程: 大阪一日遊 (大阪市立科學館, 大阪歷史博物館, 大阪城天守閣, 天然溫泉浪速之湯)

今天, Kame 和 Buta 11 點至起身. 當離開酒店, 已下著毛毛細雨. 但我地都不用開傘就可以行到地鐵站. 真的很方便.

第一站的景點就是大阪城, 所以就搭地鐵到谷町四丁目駅. 點知雨水下得很大, 所以就決定改去大阪市立科學館玩先.

科學館是在肥後橋駅下車, 所以我地就到東梅田駅再行去西梅田, 再搭一個站到肥後橋. 我地順便在梅田食午餐.

很快就到東梅田了, 下車後要出閘, 之後再跟指示牌行去西梅田, 經過見到這間餃子專門店, 就入去食午餐.

我地叫了一個海老餃子定食 (900円)

再加一碟紫菜炸餃子 (370 円). 當職員送上這個紙袋時, Kame 和 Buta 都心諗點解變了外賣? 職員放下時, 講了句日文, 但我地聽不明, 職員就做動作. 好采 Kame 都估到職員想代表什麼. 原來她想同我地講 Shake, 食之前 Shake 下, 好似食Shake Shake 薯條咁.

食飽就繼續行去西梅田駅.

搭一個駅就到肥後橋駅, 去科學館就出 3號出口.

一出到去, 就看見大阪市立科學館的指示牌. 跟著指示牌行, 很快就到了.

一路行還下著細雨, 還見到一班剛剛去完科學館的小朋友.

這個是國立國際美術館, 持周遊卡可以優惠價420円入場. 但我地就沒入去參觀.

我地只去科學館參觀, 持周遊卡可免費入場, 換完票後, 就搭升降機到4樓.

這些相很靚呀. 原來是極光, Kame 見到這些極光相, 難道意味著 Kame 同極光會有緣份?

太陽系

Kame 和 Buta 在科學館玩了很多得意嘢. 離開時, 影返這張相留念.

去完科學館就搭地鐵返去谷町四丁目駅 9 號出口. 去大阪城會經過大阪歷史博物館, 所以順便就入去看看. 因為持周遊卡都是免費入場.

換完票又搭升降機到最高層.

一出升降機就見到這個很大的 "難波大阪"

有很多模型, 望落去真的做得很靚.

在歷史博物館周圍影下相都幾靚.

行完一圏就離開歷史博物館, 依家向大阪城天守閣進發. 一路行, Kame 覺得很疑惑, 因為Kame 記得之前來大阪城(2006年時)是要不斷上山的, 但點解今次條路很平, 很舒服就到天守閣入口.

持周遊卡又可以免費上大阪城天守閣, 搭升降機到最高層, 但如果上展望台就要再行樓梯上.

上完展望台就走了, 我地向著另一個方向離開大阪城.

這條路是不斷下山, 直至看到極樂橋, Kame 才肯定當年我地是從這裏行去大阪城. Kame 當年第一次到日本的名城, 以為每座城都要很辛苦行山上去, 原來大阪城是可以不用的.

極樂橋與大阪城合照

慢慢遠離大阪城, 行到咁遠還可以見到這座城, Kame 又忍不住拍多張至得.

原來從這兒離開是會到大阪商務園區駅. 點解這個駅咁特別? 是用日文寫的呢?

之後又搭地鐵返酒店休息一陣. 返酒店前, 我地就行下這條長崛地下街, 見到有間店賣燒魚餅, 好似好好味咁. 全部寫日文, 我地又不知代表什麼? 好采都有圖望下, 所以我地求其揀了件入面是黃色料的燒魚餅. 原來這是蕃薯燒魚餅. 真的好好味 (170円)

食完燒魚餅就返酒店休息一陣, 再出發. 今次我地搭地鐵去南森町, 一出就見到很多商店街-天神橋筋商店街.

周圍行下, 見到有個牌寫住天滿宮, 所以就去這個神社參觀一下.

這裏就是天滿宮

點解一個人都無?

去完南森町就去我地今日最後的景點, 就是天然溫泉浪速之湯. 搭地鐵到天神橋筋六丁目駅5號出口向北步行約10分鐘. 一出到地面, 就見到 McDonald 招牌, 記住不用過馬路.

住後走, 行行下就到. 我地在這些小巷左穿右插就比我地找到.

見到這個天然溫泉, 好開心.

上到去, 要用100円放鞋, 在更衣室內的 locker 又要用 100円, 用完當然可以退回. 今次我地約1小時後在女湯男湯出面等.

這裏有幾間食店, 不過我地就沒有在這裏食晚餐.

Kame 今次早過 Buta 出來等, 無聊等待中就看見這棵許願樹, 旁邊有張枱和筆, 還有不同顏色紙比你揀, 不同紙的顏色就代表愛情/事業/學業 ....其中一樣). 但 Kame 沒理會代表什麼, 就揀了黃色紙, 因為 Kame 覺得影相出來效果會明顯些. 所以 Kame 就在黃色紙上寫上 "拍拖十三週年".