出發呀, 今次是第四次在日本玩 (2014年7月2日 ~ 2014年7月15日)
行程: 香港 > 大阪 (Spa World, 通天閣, 天王寺動物園, 大阪市立自然史博物館, 空中庭園展望台, HEP FIVE摩天輪)
今次的旅行Kame不知為何特別期待出發, 可能 3 月時已book 定 Peach 樂桃機票, 足足要等4個月至有得去玩啦, 所以對於這次旅程特別期待. 由於今次是搭凌晨機, 所以 Kame 都沒有一早執定行李, 留待7月1日至慢慢執行李都得. 平時愛睡的 Kame 和 Buta 點會揀搭凌晨機出發去日本吖?
(回顧小插曲)
一早已買好機票, 在5月1日收到通知, 說7月1日的中午12:30 這個航班有機會停飛, 所以叫我地改期或退款. 當時Kame 得知這個惡號後, 心情打擊得很沉重, 因為第一次搭廉航就咁麻煩, 但好采都聽到讚美的聲音 "咁早通知, 好過到時至話停飛吖". Kame 至得到安慰. 咁好啦就改早12 小時出發, 即是7月1日零晨機啦. 在網上搞好更改資料, 就等待回覆, 但 Kame 當時還忐忑不安. 第二天, Kame 就去Peach 網站看看詳情, 才得知原來7月1日凌晨機已確定停飛. 噢! Kame 竟然更改錯日子. 即刻睇清楚那些日期飛得至得, 結果就更改為7月2日00:35(即是比原定遲12小時出發), Kame 怕改完又改, 會不受理, 所以特登打去Peach 專線查詢, 接聽人員很有禮貌, 仲話幫 Kame 輸入多一次日期, 確保真的更改了. 但改唔改到就要再等多幾日至知. 好采過了3日, 上Peach 網查返訂單, 已見到我地訂單去程已更改了日期. Kame 才放下心頭大石.
差不多晚上7:30 Kame 和 Buta 出發呀. 今次 Kame 帶多個小手袋一起旅行.
今次我地都是搭地鐵到東涌, 再轉巴士S1到機場. 大約1小時車程就到東涌站了. 我地就在東薈城 Food Court 食晚餐, 選擇了食泰國嘢, 味道一般.
食完就搭巴士去機場了. 有時不用趕搭飛機都幾舒服, 因為平時的我地只會預早一小時到機場.
時間還很早, 可以在機場慢慢影下相.
Kame 就覺得這個就是香港國際機場的地標, 因為每次 Kame 都會幫他影張相.
MM068 Peach 航空 將於 00:35 起飛. Check-in counter 在P段的二號客運大樓(Terminal 2). 廉航check-in counter 都集中在Terminal 2 . Kame 和 Buta 都是第一次去Termianl 2 寄存行李.
跟著很清晰的指示牌走.
再搭升降機到 L5. 我地到 Peach 櫃位時大約晚上10:00, 還未有職員在櫃位, 因為多數在起飛前 2小時至開始提供 check-in 服務, 所以我地就坐埋一邊, 休息下先.
大約晚上10:20 Peach 櫃位前已排了一條長長的人龍, 原來 Peach 人員已開始可以check-in, 我地當然即刻跟著排隊啦. 因為我地沒有付多些錢預訂飛機座位, 所以諗住早些 check-in, 就會有機會一齊坐了.
終於到我地了, 磅行李先, 18.6 kg, Peach 航空一定要20kg以下, 否則要比額外費用. 當 Kame 接過登機證後, 很緊張, 是不是孖位呢? 很開心, 是 25E 和 25F, 仲要是坐窗口位. Lucky.
今次由香港到大阪的來回機票包機場稅和燃油費 (2059 元/ 1人), 另外再加托運行李費 (260元/1件1程). 職員同我地講 23:55 就 close gate, 又教我地在T2離港.
第一次在Terminal 2 離港, 這裡很少人, 很快就離境了, 很方便. 落到去, 就搭無人駕駛列車到Terminal 1, 之後再搭多一次無人駕駛列車到 Gate 42.
不用走咁多路, 就到Gate 42了.
我地到 Gate 42 時, 還未見到 Peach 的飛機. 轉眼間, Kame 再八下有無飛機呢? 就見到架樂桃飛機了.(Kame 很鐘意叫它做櫻桃飛機) 意味住我地就黎到大阪了.
在附近行下先, 見到這個都敏俊, Kame 和 Buta 一齊睇過韓國至Hit 的劇集(來自星星的你), 平時 Kame 很少睇韓片, 因為以往的韓片的劇情都是一樣. 但今次這集戲真的好特別, 好好睇.
凌晨的香港國際機場, 不是很多人.
必影的地標. 好開心, 終於上機了.
樂桃機的坐位很窄. 真的連 Kame 坐時, 膝頭蓋是很容易掂到前面的椅子. Buta 咁大隻, 一定坐得好辛苦了. 但不過貪機票平, 無計啦. 4個鐘很快過. 為了想好好瞓覺, Kame 又特登在淘寶淘了眼罩, 希望可以瞓好D. 上機不久, 空姐就派入境表, Kame 即刻填好表就瞓覺. 因為 Kame 一定要瞓覺, 否則第二天就會神智不清.
4個鐘真係很快過, 在半睡半醒的情況下, 終於來到關西國際機場(関西国際空港)了.
下機, 依家是清晨5:20 (即是香港時間4:20, 噢, 瞓得4小時都無, 無瞓覺點得嫁!)
在渾渾噩噩的情況下, 都影了幾張相.
Peach 下機的地方是関西国際空港的 Termianl 2
在Terminal 2 要搭機場 Free Shuttle bus 去返Terminal 1 (車程 7 mins)
到 Terminal 1 這邊了.
慢慢拖住行李去搭南海電鉄, 搭空港急行, 由関西空港到難波駅 (920円/1人, 車程: 47mins)
関西空港是總站, 我地搭到難波駅都是總站, 所以不用轉車很方便. 最重要是一定有位坐.
在関西空港駅時, 這架車是很少人搭. Kame 當然再掙取時間瞓覺, 但不知不覺間, 當 Kame 再開眼時, 車廂已擠滿了很多人, 有很多返工和返學的人. 多人到好似香港繁忙時間搭地鐵一樣.
人多搭車真的都幾難捱. 好采很快就到難波駅了.
一下車, 就跟住道頓掘酒店的網頁教的路去道頓掘酒店, 因為我地諗住去道頓掘酒店買大阪周遊卡 2 day pass, 因為 Kame 上網睇過, 如果買大阪周遊卡 2 day pass 不可在地鐵買, 一定要去 information centre 或指定幾間酒店至有得買. 所以揀了間最近難波站的酒店.
經過便利店, 買了一件炸雞食, 好油膩呀. (120 円)
不過很辛苦地去到道頓掘酒店, 竟然買不到大阪周遊卡 2 day pass, 他話只會賣給住客.
Kame 和 Buta 很傷心咁繼續用步行方法行去今天我地住的酒店.
外國的建築真的幾吸引.
拖住行李終於到長堀橋駅, 我地住的Ark Hotel 就在這個地鐵站隔離, 好方便. 寄存行李後, 一身鬆晒, 再搭地鐵由長堀橋駅去難波駅(180円/1人). 要去難波 information centre 買大阪周遊卡 2 day pass. 去到大約早上8:30, 還未開門, 好在9:00 就會開.
Kame 心諗如果一早知道, 道地崛酒店是買不到大阪周遊卡 2 day pass, 咁我地就會在難波駅慢慢嘆番個早餐啦. 等到買了大阪周遊卡後, 就可以免費搭地鐵到長堀橋駅. 最重要是不用拖住行李行得咁辛苦.
Kame 拎住大阪周遊卡很興奮, 因為今天和明天都是靠這張周遊卡周圍去玩. (3000円/1張)
來到大阪第一個景點就是Spa World. 因為持有大阪周遊卡的話, 只需 900円就可以入場 (原價2700円平日或3000円特別日), Kame 覺得好抵. 所以就計劃一早來 Spa World 瞓覺和浸溫泉. 在動物園前駅下車, 5 號出口, 一出就面對住Spa World, 向住這座建築行幾分鐘就到.
來到 Spa World 適泊溫泉大世界, 還未入得, 因為早上10點至開始, 但已經見到有一些人在自動購票機買入場票, 依家做緊夏日優惠, 只需1000円就可玩全日. Kame 本來覺得好抵, 但見到無周遊卡都是付1000円入場, 就覺得無咁抵了.
終於等到10點開門, 我地就跟著人群排隊, 我地預備定大阪周遊卡和 Toku coupon (因為有些優惠是要用 Toku coupon, 買大阪周遊卡時會送一本旅遊指南手冊及附送很多張 Toku coupon). 但原來我地是要在 Spa World 內的 "i" counter, 購票先, 之後再排隊入去. 但這位職員好好人, 幫我地走去 "i" counter 購票, 不用我地走來走去. 付了1800 円後 (900円/1人), 職員就給每人一個號碼手繩 (當時我地不知這是什麼, 以為是密碼鎖匙), 但都將佢跟身.
終於可以進入期待已久的 Spa World, 跟人脫鞋 (去到日本很多地方都要脫鞋, 所以一定要手腳夠慢, 睇清楚其他人點做, 就跟住做). 行去放鞋的 locker, 記得自備100円 (不過沒有100円都不要緊, 可以換100円), 每隔剛好容納一對鞋, 當你離開後, 可拎回100円. 後面大些的locker 好似不會退按金, 但不知有何用途呢? 因為女湯男湯內都有 locker, 都是入100円作按金, 用完可退回.
七月, 女士是上4樓. 男士就上6樓. Kame 和 Buta 要暫時分開下. 約定下午1點到8樓圓形室內泳池等, 如等不到, 就每隔半小時上一次去啦. Kame 一入到去, 就周圍行下, 睇下環境先, 又觀察其他人點做, 原來女湯內有部升降機直上8樓. 設計得又幾得意喎.
Kame 確定有休息室後, 就立即去休息室瞓覺, 休息室有2款比你揀, 一係瞓很大張的按摩椅, 一係瞓地上一張張的卧床. Kame 就選擇了卧床瞓覺, 不過 Kame 睡不著. 又在半睡半醒的情況下, 很快到了下午12:30了, Kame 就去浸溫泉.
4 樓是屬 European Zone 有羅馬浴場, 希臘浴場, 亞特蘭蒂斯, 藍洞浴場西班牙浴場, 地中海浴場和芬蘭浴場. 一入到溫泉區, 好似置身在歐洲一樣. 而6樓是屬Asian Zone 有日式溪流浴槽,伊斯蘭, 波斯, 峇里島, 大檜風呂, Dr. Spa.
Kame 之前在 Spa World 網頁, 看過相片, 當時已被 European Zone 吸引住了. 因為覺得幾特別, 好采 Kame 今次真的可以進入 European Zone.
Kame 顧住浸溫泉, 結果遲了去8樓找 Buta, 上到去已1:15 了. 結果看不見 Buta 身影. 唯有等到 1:30 Buta 現身啦. 一到8樓有很多賣食物的店, 所以 Kame 就落返去4樓拎定錢, 再上返去8樓. 趁等緊 Buta 的時候, Kame 就周圍影下相. 大阪今天原來是天陰陰, 不知下次再來 Spa World 這個空地會變了什麼呢?
8樓有個水上樂園, 有3條大型滑水道, 有環形滑梯, 噴射滑梯, 驚心膽跳滑梯. 不過要付錢玩, Spa World 入場費只包浸溫泉, 而游泳池就免費. 每人滑行1次300円. 但可以買pass, 任滑3條滑梯 1500 円 或只想任玩這兩條滑梯 (噴射滑梯, 驚心膽跳滑梯)就1000円.
下午 1:30 終於見到 Buta 現身了, Kame 幾驚 Buta 瞓到不知醒. 原來 Buta 真的好準時 1:00 來到 8樓. 我地都沒付錢玩滑梯, 亦沒有去游水了. 因為想善用 2 day pass 去多些景點, 所以相見後, 影返幾張相就離開 Spa World.
Kame 很無聊叫 Buta 上番去6樓影返個男湯.
這裏就是一進場的地方, 全部人都要脫鞋.
這裏有很多存鞋的 locker, 但真的會用得晒嗎?
Kame 離開才知道這個手繩有什麼用途. 原來這是記錄消費金額的. 當 Kame 知道後心諗好采沒有在8樓用現金買嘢食, 否則就真的很低B了.
不過我地仲低B, 拎了鞋諗住出閘離開, 才發覺這條手繩還未歸還, 好采還未出閘, 如果唔係又低B了. 結果我地就拎住對鞋, 行去櫃台還手繩.
離開前又影返張 SPA WORLD 世界之大溫泉.
Spa World 很近通天閣, 遠望都見到這座建築, 所以就向這個方向走. 通天閣被稱為"浪速的埃菲爾鐵塔", 原來這是大阪的地標. (指南手冊是這樣介紹)
這裏有很多餐廳, 很多都是食炸串, 不過我地左揀右揀都不知食邊間好.
真係好有日本風味的街道.
雖然持周遊卡可免費登上通天閣, 但我地沒有上去, 從遠處影相就夠. 既然不知食什麼, 那就向著天王寺動物園方向行.
見到烏龜, Kame 一定停下來影下相.
這張是 Buta 特別要求影的相, 很古式的戲院, 好似香港六七十年代的戲院.
終於見到天王寺動物園, 在過馬路之前, 見到這個蝦餅夾兩粒章魚丸, 好似好好味, 就買了一個來食.
求其點了一款, 就是左下角果款 (250円), 雖然會食到塊面污槽晒, 但太好味了. 這種食法, Kame 覺得好食過掙食一粒粒章魚丸.
依家望住張相, 好想再食多一次.
Tennoji Zoo 天王寺動物園, 平時去旅行, Kame 和 Buta 都很少去動物園的地方. 但今次因為又近 Spa World, 持周遊卡又是免費, 加上有 Buta 最想見的 Polar Bear 北極熊 (一定係 Buta 覺得自己同北極熊是同類)
拎入場票, 這個動物園很大
見到爬虫類生態館, 就入去睇下啦.
有蛇, 有龜, Kame 好開心, 原來這來會有烏龜睇的.
好細隻烏龜.....
好大隻烏龜.....
條頸好長的烏龜......
又有烏龜......比想像中多, 這裏有後多不同款的烏龜
這隻青蛙咁靚的. 隔離果隻青蛙黑蚊蚊好樣衰. 樣衰到 Kame 都沒有幫牠影相.
望真些, 這是犀牛, 當他見到有人的時候, 就躲在草後面.
這兩隻的動物的眼神真係好有殺氣, 很可怕.
遠望看見長頸鹿
又見到獅子
這隻老虎斑紋幾靚喎.
點解這隻老虎困在這裏. 我地隔住玻璃就見到老虎
老虎無端端行近玻璃面前, 嚇到 Kame 即刻往後退.
行行下見到有雪糕機買, 我地就買了一支雪糕食, 左上角果支(130円), 好好味呀. 日本雪糕連雪糕機賣的雪糕都咁好味呀.
我地行完北園, 依家向南園進發. 由於要趕住去下一站景點, 所以我地快快就找 Polar Bear.
差不多到了, 一望過去是 Bear 先, 黑蚊蚊.
隔離就是 Polar Bear 北極熊
北極熊好似咁細隻? 北極熊不是全身白色嗎? 點解 Kame 心目中的北極熊同這隻好似截然不同的.
同 Polar Bear BYEYBE.....
我地不是在入口離開, 因為在這個出口離開好似近地鐵多些, 很久都沒看見這個閘了.
一出去, 就向右走, 行了一陣就見到剛才行去Spa World 的路, 所以我地已經知道地鐵站在邊. 之後搭一個站就到長居駅.
因為趕住下午 4:30 到大阪市立自然史博物館, 所以急急腳走過這個長居公園.
好采路上都有指示牌, 跟著指示牌行大約 10 mins 就到.
終於到了, 這是長居植物園和自然史博物館的入口, 好采還趕得切入去.
拎了自然史博物館入場票後就很安心. 不過我地都是第一時間衝去博物館先.
嘩......好大隻....
恐龍骨呀....
好多好多不同的恐龍骨....連袋鼠骨都有.
這個咁大, 吊在半空, 好宏觀....
恐龍大戰?!.....(其實這個地方是 Buta 話一定要來, Buta 覺得成千萬年前的骨骼和可以見到諾氏古菱充齒象實物大小的復原品, 覺得好厲害, 但 Kame 就對這些骨培養不到任何感覺了.)
看完恐龍骨, 在博物館出面有個心形花. 情侶見到一定會影返張相留念, 當然 Kame 和 Buta 都不例外. 影影下, 職員開始趕人走了, 因為已經5:00, 這裏要關門呀.
我地唯有乖乖地離開, 臨離開前, 影返張荷花池相先. 這個湖有很多荷花.
之後我地就搭地鐵到難波駅 City 店食晚餐, 因為周遊卡指南入面有介紹到 KYK 炸豬排
沙律.....
我地叫了兩個 set 共1899円 (持大阪周遊卡會有九折, 不過指南沒寫著要Toku Coupon, 但職員有問我地拎, 好采我地有帶來.)
食完豐富的晚餐後, 就向下一個景點進發 - 空中庭園展望台. 我地搭地鐵到梅田駅. 遠望見到Hotel New Hankyu 就回想起 2006年第一次來大阪時, 我地就是住這間酒店.
由梅田駅向西北方向步行大約10 mins 就到. 我地就按照指南手冊裏所教我地這樣行. Buta 的電話有指南針, 我地就跟著這方向行, 又被我地誤打誤撞就行到去. 06年時 Buta 都有帶 Kame 來這個空中庭園, 不過要收費所以沒上到展望台.
今次持周遊卡就可以免費到空中庭園展望台, 所以就一定要來看看大阪夜景. 173代表這座建築物高達173m 超高層大廈.
空中庭園的入場票, 入場票的相影到幾靚喎. 上到去是室內欣賞夜景, 周圍都放滿椅子, 可以坐下來慢慢欣賞大阪夜景.
在室內展望台可以搭升降機或行樓梯可以到露天展望台, 當 Kame 和 Buta 踏入露天展望台時, 就被這些螢光吸引住了, 感覺很奇妙.
這是大阪夜景, 大阪有很多高樓大廈
但是周圍有一支支鐵柱, 影響拍攝效果. Kame 想避開一支支的鐵柱, 但腳架又不夠高, 所以影唔到.
唯有去返室內隔住玻璃窗影返張夜景.
欣賞完夜景, 我地又要匆匆離開. 因為要趕去 Hep Five 摩天輪 22:45 是最後入場.
左穿右插, 向住摩天輪進發, 這個摩天輪座落在某個Shopping Mall 上面. 確定位置後, 我地一路搭扶手電梯上, 所有店舖都關門了, 上到最高就向職員出示周遊卡, 又可以免費入場. 無人排隊, 去到即可以上摩天輪. 日本真是很乾淨, 職員會清潔一下車廂才給下一組乘客搭.
看看這個摩天輪好似很簡陋, 好似不太穩, 因為車廂會左搖右攞.
Buta 坐在摩天輪上不敢周圍移動. Kame 發覺後取笑他, 你都知自己太胖了, 可能連摩天輪都給你弄壞.
15 mins 很快過, 要離開 Hep Five 摩天輪了.
我地今天的行程終於結束, 依家搭地鐵返酒店. 依家是晚上11點, 大阪街道還是這麼多人, 真的很誇張.
原來搭零晨機是可以玩足全日, 玩到咁盡, 真的都幾抵喎. 但 Kame 都覺得自己鐘意瞓足至去玩, 下次如搭短途, 一定不會再搭零晨機了.
今晚大阪住宿, アークホテル大阪心斎橋 (Ark Hotel Osaka Shinsaibashi) (6290円 /1 room)
沒有留言:
張貼留言