輕輕鬆鬆台北遊 - 五天 - Day 5

行程: 台北 > 牛肉麵競技場 > 香港

今日Kame 和 Buta 瞓到好晏, 11點起身至搵3位老人家. 去了台北車站, 又買了少少手信, 就上一層周圍行下, 本來諗住臨上機前帶佢地來食多一次牛肉麵, 點知佢地話食咗早餐未肚餓.
Kame 和 Buta 就坐下食, 老人家就自己周圍行, 不夠3 mins, 見到佢地回來, 原來佢地怕唔識路所以沒走咁遠. 我地話你地行一個圏看看一陣午餐食什麼, 要成 3點幾至起飛.

台灣最出名就是牛肉麵, 台北車站裏有個牛肉麵競技館, 每間牛肉麵都攞晒好多獎杯show 晒出來. 

有好幾間揀, 我地都唔知食邊間好, 經過某一間時, 職員比了牛肉湯底我地試, 都幾好飲, 就試這間啦. 味道都幾好味, 不過太大碗了, 食唔晒. (NT440 / 2 碗)

食完就搭國光客運去機場, 又要返香港了. Kame 以前來過台灣知道機場裏有Hello Kitty, 所以特登來找Hello Kitty. 又影返幾張相就上機了. 今次搭CX467 15:25 準時起飛, 大約16:55到香港.

今次是第一次同3位老人家出國去玩, 真是超級輕鬆的旅行. 又返到香港了, Kame 又期待下一次的旅程.

Written on September 21, 2013

上一篇文章: 輕輕鬆鬆台北遊 - 五天 - Day 4

下一篇文章: 新加坡熱熱閙閙之旅 - 五天 - Day 1