輕輕鬆鬆台北遊 - 五天 - Day 3

行程: 台北車站 > 平溪 > 十分 > 台北車站 

台灣火車都有分幾款, 去瑞芳好似有自強號, 莒光號和區間車. 本來Kame 和 Buta 在自動售票買票, 但按完之後, 就話沒有座位得企位. Kame 和Buta 唔明, 點解會有企位買?
就算揀到很後很後的日期都是這樣. 於是就在櫃位買. 職員同樣都是說企位. 於是我地問企位代表什麼?區間車又代表什麼? 職員說企位代表一定要企, 因為座位己賣晒. 但區間車好似搭捷運咁, 見到有空位你就可以坐.
我地才明白原來有這樣的分別. 因為如果搭自強號或莒光號, 座位是貴些, 而企位是平些, 點知台灣的火車連企位都唔放過. 我地心諗如果企位即是同區間車無乜分別, 都有咁多人企在火車裏, 而且差不多.

經過商討後, Kame 和 Buta 決定買區間車去瑞芳, 因為去瑞芳的車程都幾遠, 搭快車都要40 mins, 如果搭區間車就大約1小時, 但至少有機會有位坐, 很多時見老人家都會讓位. 所以在昨晚己買定今天去瑞芳的火車票, 因為早上買,很多人排隊, 所以昨晚就買定. (NT49 / 1張區間車火車票)

原來區間車很少卡, 好似得4卡. 在車上, 老人家真的有位坐, 但太多人了, 好焗很逼, 感覺不好. 好似在香港返工或放工時段搭車咁, 好唔鐘意. 仲要差不多站站停, 在咁太多人的環境下, 仲要站站停, 真是很苦. Kame 心諗點解自強號或莒光號沒有座位買到? 雖然貴少少價錢, 但都覺值得. 很經辛苦地到瑞芳了, 終於下車.

但瑞芳不是我地目的地. 因為今次行程沒有計劃去九份, 因為九份要行上山, 又多樓梯, 怕老人家行得辛苦, 所以九份不在我地行程內. 之後, Buta 就在站內櫃位買了平溪一日遊 (NT52 / 1張). 再等火車搭去平溪站下車, 一下車就看見台灣很出名的活動 "放天燈", 將自己的願望寫上天燈, 然後放上天.

天燈升緊上天呀. 今次去沒有放天燈. 下次當 Kame 和 Buta 2人來時至放天燈啦. 

越升越高.

看見有燒香腸賣, Kame 又買了一支來吃. (NT35 / 1支)

都算幾好味. 很香口.

之後, 下山, 就來到這條馬路. 竟然看到"全家"便利店, 全家即是 Family Mart, 原來台灣有Family Mart. Kame 和 Buta 看到famly mart 又好懷念日本了.

之後, 行返上山, 這個位置就是Kame 很想搭的位置, 因為 Kame 之前看台劇時, 螺絲小姐要出嫁, 剛剛有一集就拍平溪, Kame 同 Buta 講有火車會在上面經過, 想影返這張相. 所以就找這條火車軌. 終於找到了, 但幾時火車會經過呢? Kame 就睇回時刻表, 看看幾時會有火車埋站, 因為平溪站就再隔離. 會知道幾時有火車經過. 

這張就是平溪一日票.

平溪列車到了, 之後我地到十分車站.

這個就是十分車站. 很多遊客都來這裏.

在十分車站附近, 有條吊橋叫 "靜安橋"

在橋上影左右兩邊的景色

條吊橋都幾長, 而且好搖晃, 怕高的人應該會好驚.

之後, 去了溜哥炭烤雞翅包飯買無骨雞翅膀包飯 (NT55), 不過Kame 覺得不好味. 由於天氣太熱了, 所以老人家在車站附近走走,就回車站等, 點解 Buta 睇錯時間表, 原來他想搭的時間是星期六/日至行駛, 如果要搭車出瑞芳就要等一小時. 咁就真係大穫, lunch 還未吃, 老人家一定好肚餓了, 所以Kame 和 Buta 再行遠些, 看看有沒有什麼好吃, 結果買了一碗大的魯肉飯給老人家頂住肚先. 

等了一小時,  我地再搭回瑞芳, 再轉火車返台北車站. Kame 成日不明, 車上成日有個職員話可以補票, 有個就話去台北, 比了錢給職員, 之後她是不是可直到台北呢? 如果我地都係用補票方法, 咪不用轉車囉? 但我地都在瑞芳下車, 再買票, 去台北, 來的是自強號, 這架列車終點站是高雄, 慘, 老人家一定無位坐了, 希望快些到台北站啦. 上到車, 架火車真的比區間車靚, 但好多人站在車內, Kame 諗雖然是有得坐, 但成人有人企係你隔離, 坐都坐得唔舒服啦, 仲是是長途車, 點捱呀, 點解台灣火車是這樣? 大約 40mins 就到台北車站, 老人家回酒店小休. 這程車比起早上搭區間車好搭好多, 因為快些到目的地.

當老人家小休時, Kame 和 Buta 又出動, 今次就去國光客運視察環境, 因為之前在台北車站就下車, 不知國光客運總站在邊. 所以特登過來看看. 原來都好方便, 過條大馬路就到國光客運, 返機場都方便些. 國光客運站入面有 CoCo 都可茶飲. Kame 和 Buta 買了一杯朱古力奶茶(NT35), 都幾好飲, 之後又見到炸雞大師, 又忍唔住要了炸雞食.

這盒炸雞是大盒 (NT95), 職員話細盒好少, 唔夠食, 叫我地買大盒. 好啦, 就聽你講就大盒啦. 都幾好味.

之後, 我地又來台北車站, 見到很多人都坐在這裏, 唔知佢地是不是等火車呢?

今日的晚餐就帶3位老人家來食中菜, 終於有番中式菜落肚了. 這餐的費用終於正常返 NT1080 / 5人, 比起昨天在士林夜市 5人只食了NT 130, 價錢真的相差太遠了.

Written on September 19, 2013

上一篇文章: 輕輕鬆鬆台北遊 - 五天 - Day 2

下一篇文章: 輕輕鬆鬆台北遊 - 五天 - Day 4