行程: 東京 > 箱根 塔ノ沢 キャトルセゾン
好采這間酒店是早上 11:00 check-out. 過去的兩天都要很早起身到東京迪士尼玩, 實在玩得太累, 所以今日就要睡耐些, 睡到早上 10:30 才起身, 之後準時11:00 Check-out.
我地依家要去日産レンタカー Nissan 租車公司拿車, 我地就選擇了這間分店 "Nissan Car Rental 蒲田" , 第一次去日産 Nissan 租車. 以前試過 Budget 和 Times Car Rental.
Buta 拿著行李慢慢行去京急蒲田駅
穿過京急蒲田駅, 就上天橋, 再過對面馬路.
因為要準備將糧食, 腳架放在車上, 所以令到 Buta 拎很多嘢, 好似拎得好苦. 但 Kame 都好苦, 要周圍走, 望下有沒有行錯路, 又要專注拍照.
當方向正確, 其實都很易就找到了.
早上11:10 到租車店, 等待職員幫我地辦租車手續期間 Kame 就見到這個記錄沒有事故的連續日, 最高記錄是連續62日沒有事故.
辦理完租車手續, 職員就帶我地去拿車, 檢查完車身後就出發.
今次的車種是 March, 小型車, 租 3 天17280 円, 另外, 在 Tocoo網站租車一定要買 Tocoo!Additional Support 每日810円, 3天共2430円, 這個費用會在信用卡付款, 而租車費用就是當我地去拿車時付款.
要駕車離開東京了, 點解我地要特登轉酒店來到蒲田區拿車, 因為Kame 怕東京駅附近會很塞車, 所以遠離東京駅應該會好些.
由京急蒲田駅到箱根 (車程: 3 hours), 如果行有料道路1.5 hours 就到.
我地一早又沒吃東西, 好采昨日見到超級市場, 預先買了一些零食.
第一次見便利店的 AEON. 特登停車入去逛逛.
拎車時忘記拍下行駛里數, 這架車行駛了12343 km. 現在已經下午1:08.
天氣很差, 好似就來下雨.
Kame 在車上很無聊, 周圍都是屋, 沒有四國九州的景那麼漂亮, 所以又打開剛才在Aeon 買的薯片.
炸雞配杯面, 好好味.
食完就繼續向箱根進發, 開始下雨了.
轉眼間, 下午3:30 就來到今晚的住宿 塔ノ沢 キャトルセゾン Tonosawa Quatre Saisons (13392円 /1 room) 包早餐. 我地將會在這裏住兩天.
在酒店房間拍外面的景, 會看到一條很長很長的橋, 真有人會在橋上行走嗎?
又有很多樹, 我地好似住在森木旁.
天氣很差
望去對面, 會看見另一間酒店. 它好似被樹木圍住了.
Buta 一到酒店又瞓覺了, Kame 唯有自己嘆茶, 吃小食, 之後Kame 又休息了.
休息一陣, 下午5:30 我地駕車在附近找晚餐.
嘩, 點解這裏的路九曲十三彎.
轉到Kame 都頭暈, 走了幾個景點, 點解都沒開門? 全部都是黑漆漆, 想找一間食店都有困難.
諗住來到強羅站, 這裏應該有很多食點選擇吧? 但點知這裏都是黑漆漆, 人又少, 好似現在是深夜, 但依家只不過是晚上6:30. 見到有間入面沒有人, 但又好似開門的食店, 於是我地就進店.
店內職員只有兩個人, 一男一女, 很明顯是夫婦開的店舖. 當我地看餐牌時, 男職員想叫醒女職員, 因為女職正在坐著睡覺, 但女職員沒有理會, 照樣睡覺, 我地見到覺得很搞笑.
我地叫了一個拉面
一個魚的定食, 這兩個都很家庭式的料理. 這兩個都是男負責煮給我地食.
當我地離開時, 見到有另一組香港進店, 她們有6人, 當我地駕車準備離開時, 女職員終於甦醒.
食完就回酒店, 浸下溫泉, 就瞓覺.
Written on October 6, 2016
上一篇文章: 東京迪士尼箱根之旅 - 九天 - Day 5
下一篇文章: 東京迪士尼箱根之旅 - 九天 - Day 7
沒有留言:
張貼留言