東京迪士尼箱根之旅 - 九天 - Day 3

行程: 潮見駅 > 目黒駅 > 渋谷駅(購買迪士尼門票) > 原宿駅 > 新宿駅 > 池袋駅 > 秋葉原駅 > 潮見駅
JR 山手線玩一圏

Kame 和 Buta 今天早上 10:30 才起身, 而今日的早餐就是月餅.

昨天我地特登去東京駅的 JR EAST Travel Service Center 買了東京都市地區通票 1 Day Tokunai Pass (750円).  今天全日的交通工具都是搭JR. 潮見駅都是位於JR 京葉線, 所以我地出入東京市中心都可以利用 1 Day Tokunai Pass. 到東京駅, 我地就搭山手線以環狀形式順時針周圍玩.

首先, 我地來到目黑駅. 其實點解無端端在目黒駅下車, Kame 都不知, 可能是因為有首"目黑"的歌, 所以我地覺得這個駅很出名.

中午12:30 到目黒駅

在目黒駅附近行, 我地沒走得太遠, 行行下竟然見到 Bigecho, 這間卡拉OK是Kame 第一次入K房的地方, 依家香港都沒有這間公司.

好似沒什麼特別.

下午1:00 來到渋谷区 Shibuya. 

有條很長的行人天橋, 不知走那, 所以隨心亂走.

周圍影下日本街道, 依家餐廳很多人, 應該是返工的人午餐時間。

這裏有很多商業樓宇.

這個是渋谷地鐵站. 如果想在東京市中心玩, 其實坐地鐵是方便過坐JR, 只因為我地住的地方是只能坐JR, 所以就買了JR 鐵路的一日票在東京市中心周圍逛.

行到另一面, 這裏很多人

見到有間拉面- 博多風龍, 就入去食午餐. 在出面的自助購物機買好想食的食物, 之後拿著這張白色票進入餐廳, 然後給職員.

叫了一碗蛋叉燒拉面 (700円)

另一碗就是叉燒拉面 (550円)

食完午餐, 就看見很大的 Bershka. 於是入去逛逛, 但很可惜沒有收穫.

其實Kame 來渋谷目的就是想找Disney Store, Kame 以為周圍行就會看見, 但點知行咗很耐都看不見, 當 Kame 話試行這條路看看, 如沒有就去到池袋才找Disney Store. 好采最後都找到.

來Disney Store 的目的就是買定明天去迪士尼門票, 我地買了2-day passport ( 12400 円/1 人). 如果買 2-day passport的人, 記得買之前就決定那一日去東京迪士尼樂園, 那一日去東京迪士尼海洋, 因為我地買時, 職員有問我地那一天去 Ocean.
另外, 去購買迪士尼門票前可參考估計當日樂園人數, http://www15.plala.or.jp/gcap/disney/

買完票, Kame 很興奮, 感覺就快可以去迪士尼玩了.

放好兩張迪士尼門票, 完成了今日最重要的任務. 在迪士尼店走走, 這間迪士尼店分幾層, 我地要走到最高層才可買門票.

由最高層不斷落樓梯到最下一層, 這一層是粉紅牆身, 很夢幻.

我地就是用這條樓梯慢慢旋到最下一層, 旋到有點頭暈. 

離開 Disney Store 影回門口處, 很美的外型, 還有用Mickey 頭的造型門口.

買完門票, 終於可以離開渋谷, 離開前再拍攝渋谷街道.

真的很多人.

無意中見到忠犬ハチ公的銅像. 見到這個銅像, 就即刻聯想起幾年前, 我地一齊睇某一套日本電影 - 忠犬八公的故事.   

沒想到在渋谷駅多了一個景點. 

之後, 又向下一站出發, 今次我地就在原宿駅下車 Harajuku.

一出閘, 就看見對面又一大群人, 所以就跟著人群走. 

這條道路很窄, 很擠迫, 好似行年宵.

過了馬路, 影回剛才的JR 駅, 駅的那一邊都很多人. 很多都是青年人來這兒購物.

沿路見到有幾間食雪糕薄餅, 我地都叫了一個朱古力雪糕薄餅 (440円)

我地就是買這間 Angels Heart Cafe Crepe

行完這條街的盡頭, 我地就回頭了, 因為實在太多人, 想快快離開, 走回頭路時, 又見到這間店有很多人排隊買這條不知什麼的面包條. 見到咁多人排, 我地又忍不住跟人排隊

買了一條來試(350 円), 但味道好似沒什麼特別.

之後, 又見到卡樂B專門店, 有很多不同味道的卡樂B薯片食, 好吸引.

我地又要買來食下, 叫了一個4號 (310円)

這個薯片當然好好味.

食咗咁多嘢, Buta 話要買飲品, 但Kame 見到 Daiso 就衝咗入去 (Daiso 即是香港的12蚊店). 竟然 Kame 買不多東西, 但 Buta 就買了支可樂.

去完原宿, 下午4:30 來到新宿

一出閘就是一條行人天橋.

在橋上影回地面

又見到 Uniqlo 了

這條天橋是不准吸煙, 又幾好. 如果在日本,所有餐廳都好似香港一樣, 是禁止食煙, 那就好了.

新宿區有很多商業大樓

Uniqlo 在日本真的很大型, 成日都會見到.

行行下見到一條很靚的後街. 思出横丁

轉眼間, 入黑了.

我地還有兩個地方要去, 所以快快搭車到池袋

池袋都很多人

Tokyu Hands

小型雜貨店, 我地買了幾款小食.

池袋的街道

這間招牌很搶眼, 原來是酒吧.

周圍行了一陣就來到今日最後一站-秋葉原駅. 

秋葉原是有幾多Figure 公仔買.

這裏有很多賣 Figure 公仔的店

而且周圍都掛著很大卡通海報

名偵探柯南, 之前Kame 成日看的日本動畫

雖然Figure 公仔對於Kame 和 Buta 都沒有興趣, 但都特登來秋葉原逛逛, 就是想感受下日本動畫的震撼, 那些特大的卡通海報.

這個環狀線 - 山手線, 今日我地就在山手線玩了一圏, 晚上8:30 就回酒店了.

大約9:00, 我地就回到潮見駅. 潮見駅附近有間烏冬店, 所以就入來食晚餐

Buta叫了一個咖喱烏冬 (450円), 加多一碟炸雞 (150円)

Kame 就叫了一碗細冷面(330円)

Kame 無端端又想食碗熱騰騰的烏冬, 所以再加多一碗淨烏冬 (280円). 很滿足.

食完晚餐, 我地又去超級市場買東西, 買了幾個三文治做明天早餐.

今天的月光仍然又大,又光, 又圓.

回到酒店, 又開了一包Calbee 來食.

Written on  August 23, 2016

上一篇文章: 東京迪士尼箱根之旅 - 九天 - Day 2

下一篇文章: 東京迪士尼箱根之旅 - 九天 - Day 4