龜龜 SkyWorld: 夢幻城堡德國之旅 - 十二天

行程: 伯特斯加登 Berchtesgarden > 國王湖Koenigssee > 耶勒峰 Jenner Peak > 奧地利薩爾茨堡 Salzburg

今天, Kame 和 Buta 很早起身, 因為今天行程好趕. 本來 Kame 諗住會有半日時間在奧地利薩爾茨堡 Salzburg, 但為了有好好的天氣去國王湖玩, 所以就捨棄
了薩爾茨堡 Salzburg 的時間.

Kame 和 Buta 一早起身就立刻落去食早餐, Kame 好期待國王湖, 好心急咁食了少少嘢就喊住要Buta 出發了.

食早餐的地方, 很靚很趣緻的佈置.

這個地方的擺設很漂亮, 每樣物件都襯托得很好.

出發了, 離開伯特斯加登 Berchtesgarden 的住宿Gastehaus Alpina, check-out 時要還返張免費搭車咭比職員. 我地依家向著伯特斯加登 Berchtesgarden 火車站進發.

這是早上的伯特斯加登 Berchtesgarden. Kame 發覺由於陽光照射的方向關係, 原來下午3點至5點這個時間, Kame 覺得伯特斯加登 Berchtesgarden 影出來的相是最美.

因為今天會去奧地利, 所以將行李寄存在火車站 (Eur 2), 其實行李可以放在Hostel, 但因為Kame 和 Buta 不想走這條長路返Hostel拎行李, 再加上寄存費不是好貴, 所以就放在火車站方便好多.

放完行李, 就等待RVO Bus 841/843/839 去國王湖了.

今天天氣真係好好. 天氣真係轉變得好快, 我地到伯特斯加登Berchtesgarden那天天氣好好, 昨日就己經烏雲密佈, 今天就轉返好天氣, 明天之後幾日預測都是下雨了.

車到了, 準備上車. 我地打算買Tagesticket (Eur 9 / 1人), 即是One day pass 一日內任限次搭RVO巴士包括去奧地利薩爾茨堡Salzburg. 所以今天用One day pass 就化算些. 當到我地上車時, 同司機講2張 Tagestickets, 司機按幾個掣後, 但好似出不到票, 之後司機就叫我地照上車, 唔洗錢就上車了. Kame 和 Buta 好出奇地咁坐下, 外國人真係好特別.

好快就到了, 由於昨日來過這個地方, 所以已經很熟識條路點走.

一直向碼頭的方向行, 今天的天氣真是很靚, 比起昨日真的相差很遠. Kame 自讚自己的決定真是明智.

由於時間尚早, 所以好多店舖都未開.

咁快就行到碼頭了. Buta 就排隊買tickets, 我地今次買了國王湖 Koenigssee (可搭到Salet) 和耶勒峰Jenner Peak 的套票(Eur 33.5 / 1人)

好多人, 坐滿了.

這個就是船上的主持人.

架船駛到某個位置就會在海中停下, 這個時候呢位主持人就拎著喇叭向著群山間的湖面上吹, 很得意地, 原來這是回音璧, 他吹了一個節奏, 之後就聽到不知從那裏傳來這個節奏.

表演完畢, 主持人就會向各位收小費, 我地都給了很少的小費. 但當然可以不給小費, 因為我地看見有些人是沒有給小費. 就繼續向第一站進發: 聖巴多羅買修道院 St Bartholoma.

Kame 叫 Buta 試下用部相機在船頂影相, 結果就影咗這幾張回來

真是很靚的湖.

終於見到聖巴多羅買修道院 St Bartholoma (約 35mins 船程), 這個紅頂教堂就是國王湖的地標, 見到這座建築就會想起很靚很靚的國王湖.

埋岸了, 如果只是想來這個紅頂教堂, 你可以只是購買由國王湖Koenigssee 到聖巴多羅買修道院St Bartholoma 這段(當然價錢比起到Salet 這個站便宜些啦).

我地沒下船, 因為想早些入去Salet, Kame 覺得依家咁早, Salet 果邊一定好少人, 快些入去影靚相. 回程時再來這裏找紅頂教堂吧!

這些人會行去邊呢? 下次再來這裏, 我地一定健行下先.

遠望見有間小屋, 是不是真的有人住呢?

向著Salet 進發. 船上差不多落了大半人. Kame 可以在船上周圍走影相.

慢慢看不見紅頂教堂了.

大約行多20 mins 就到Salet

一下船, 就看見有架紅色直升機經過.

來Salet 的目的就是要去看 Obersee 這個湖.

我地就由下船的地方, 行10 mins 到Obersee 湖, 再沿著Obersee 湖行到 Fischunkelalm

Kame 和 Buta 都是第一次看到咁壯觀的山.

Kame 試下水清唔清? 好冰涼的感覺.

又有一架船黎緊了. 快些行先.

周圍都是山, 又有青綠的草, 真的很美!

Kame 心諗好采真的沒有堅持昨天來國王湖, 如果唔係欣賞唔到咁靚的景.

終於到Obersee 了. 今天天氣好好, 湖面形成倒影, 很美!

嘩, 隻狗咁開心, 可以在這個咁靚的湖游水, Kame 都好想跳入水中暢泳.

沿著Obersee 走向另一邊. 但這些路頗難行, 路面好凹凸不平.

又從另一角度望向Obersee, 加埋湖邊的小屋, 景色更漂亮.

很多外國人在湖邊玩水.

走到另一邊了.

在這裏會看到牛牛.

好多人停留在這裏慢慢享受大自然的景色.

Kame 和 Buta 也在這裏停一停, 呼吸一下大自然氣息後就趕住離開. 真係很捨不得這裏.

很快走返回頭路返Salet 碼頭.

臨上船, 掙取時間影返多些相片.

離開Salet 了, 架船會開往聖巴多羅買修道院St Bartholoma

話咁快就到紅頂教堂, 今次我地下船了.

Kame 隻鞋又爛了, 唯有用鞋帶紮住先. 今次的旅行, Kame 的兩對鞋都留在德國.

因為用多了時間逗留在Obersee, 所以在這裏影了幾張近鏡的紅頂教堂就離開.

都有好多人返Königssee 碼頭, 都排了一段時間才上船.

向著Königssee 碼頭進發, 返回上船地方.

這隻狗真開心

這個小朋友好入鏡呀. 其實每次 Kame 用相機對住佢時, 佢即刻閃開, 但又要拎返過來, 係到同Kame 玩.

回到上船地方了.

國王湖真是一個很靚的湖. 暫時來說Kame 和 Buta 見過最靚的湖.

下船, Kame 和 Buta 即刻去第二站: 耶勒峰Jenner Peak

但去耶勒峰Jenner Peak 之前, Kame 要去店舖買返對鞋, 如果太貴, Kame 就求其買對拖鞋著住先. 幸過地 Kame 見到一對行山鞋, 而且價錢很便宜(Eur 24.5 / 1對). Kame 平時在香港都未試過買嘢是買得咁快手, 即刻成交了.

著住對新鞋繼續玩. Kame 和 Buta 就好快咁行去搭纜車 (由碼頭行去Jennerbahn 大約行8 mins).

終於見到 Jennerbahn

上纜車呀, 原來架纜車好細, 只能容納2人. Kame 和 Buta 真的剛剛好困在纜車內. 想轉身都不能.

開始向上升了

今天太好天了, 太熱, 困在纜車內, Kame 和 Buta 都覺得好辛苦, 又焗又熱. 雖然不是密封, 但一點風都沒有, 唯有將對手放出去, 感覺好一點. 我地只希望快些到山頂.

越來越高, 歐洲的屋點望都咁靚

嘩, 不繼升不繼升高.

山上有咁大個湖, 好特別.

舊雲好得意.

山上有好多牛牛.

越來越高了.

終於頂了.

一出來還看見這條路.

但轉眼間, 煙霧瀰漫. 什麼都看不見.

下面有乜睇呢? 真是好好奇想知係乜?

Kame 和 Buta 對高的山無乜緣份, 次次都睇唔到景.

上到來, 看見很多人行這條路, Kame 和 Buta 就跟著行, 原來好多人會來這裏停一停.

望落去都好驚. 成個仙境咁. 我地係咪發緊夢?

越來越大霧, 離開這裏了, 困返入好辛苦的纜車, 原來有幫我地磅重, 原來我地合共86.8 kg.

下山了, 下面天氣好似幾好喎, 點解上面會咁差?

嘩, 想像唔到原來會有咁大分別.

這是中途站, 我地又當然在這站停一停. 但好似就黎收工. 我地問幾時停, 職員話15 mins 後就close. 咁我地快快在附近影下幾張相就走. 如果miss 了, 就好大穫, 要自己行返落山, 但下次如果有充裕時間, 我地會選擇慢慢行落山, 但行上山就不好了, 見到條路都覺辛苦.

又再次上返困獸車.

到地面了, 行返出去搭巴士. 由於早上買不到Tagesticket, 加上Kame 和 Buta 昨日來過這裏知道巴士會前後門都開, 因為好多人, 放便乘客上車, 架巴士企滿人, 好迫. 我地就好似逃票咁從後面上車. 好快就返到伯特斯加登 Berchtesgarden 車站, 拎行李就再搭巴士去奧地利.