夢幻城堡德國之旅 - 十二天 - Day 2

行程: 德國慕尼黑市中心 Munchen (新市政廰 Neues Rathaus, 瑪利恩廣場Marienplatz, BMW 博物館 BMW Musemum, 聖彼得教堂 St. Peter Kirche ) > 羅騰堡 Rothenburg ob der Tauber

去定閘口等待, 原來中國國際CA961 係同漢莎航空 LH7319 聯營, 好似升grade 咗, 有得搭漢莎機.

Gate E35 去慕尼黑, 開始登機呀.

搭十幾個鐘機, 都幾難捱. 一上機就立刻瞓覺.

瞓醒就黎落機, 睇下片先.

嘩, 見到地面了.

早上5:30 到德國慕尼黑呀. 原來依家差不多6:30 Kame 和 Buta 手腳都好慢咁離開飛機, 其他人都走晒了, 連一個人都不見.

入外國境真係好麻煩, Kame passport 沒有簽名, 結果捉了Kame 入去問話室, 要填好多張form 至放人. 好在Buta 係到, 如果唔係Kame 一定嚇襯. 仲要迫Kame 即刻在Passport 簽名. (之前Kame Passport 有簽名, 點知剛剛轉了一本新的passport, Kame 未簽, 結果搞成咁.) 搞了半小時, 終於放我地走, 好在一出到去, 我地的行李箱仲係到.

Welcome to Munchen 去每個地方都一定看到這些歡迎字句. 好開心呀. 終於到達.

一出機場, Kame 感覺到香港機場真係靚好多.

自動售票機, Kame 和 Buta 就買定4 張Bayern Ticket 巴伐利亞邦票 (Eur 26 / 1張 可以2人使用). 記得邊日用就寫上使用日期, 如果唔係, 查票時你還沒寫上日期就代表逃票, 要罰好多倍.

出去就看見Terminal 2 , 原來我地頭先在Terminal 2 下機. 吸下歐洲的新鮮空氣先. 好舒服.

依家有乜展覽呢?

好特別的小食店, 成架飛機外型.

我地在其中一張邦票寫上 30 June 2013 (Eur 26 /1張可2人使用), 因為今天是星期六, 所以全日都可以用這張邦票. 另外我地今天計劃去慕尼黑市中心, 之後夜晚就搭火車去羅騰堡 Rothenburg ob der Tauber.

由慕尼黑機場 Munchen Flughafen Terminal 到慕尼黑車站 Munchen Hbf (tief)  (車程: 45 mins)

試下自己導航, 都好準.

到Munchen Hauptbahnhof 就放低行李(Eur 5). 放低完行李, 輕鬆晒, 可以周圍行了.

慕尼黑的街道, 時間尚早, 所以無乜人.

慕尼黑中央車站Hauptbahnhof Central Station 是大站, 這個站真係好大有好多條路軌. 記得預留多些時間在這裏轉車.

某間餐廳的佈置, 很特別.

德國最出名食德國腸, 睇下好好味先? (Eur 3.5) 但Kame 覺得上次瑞士食的香腸好食啲.

新市政廰(Neues Rathaus) , 樓上的壁鐘 (Glockenspiel) 每天早上11點, 正午及21點都會準時報響, 還有小玩偶出來載歌載舞. 依家時間很早, 一陣12點再來看看.

瑪利恩廣場 ﹙Marienplatz﹚

今次我地無特登去遊客中心拎地圖, 因為想試下跟住電話的 GPS 搵景點. Kame 第一次接觸這個新科技, 忍不住讚賞好厲害.

向任何角度影歐洲街道都係咁靚, 空氣又好. Kame 又喜愛在歐洲渡假.

慕尼黑巴伐利亞國立歌劇院

就來12點了, 已經有好多人企係到等睇木偶鐘表演.

表演開始呀. 又有鐘聲又有公仔表演(其實啲公仔只不過郁郁下), 不過要昂頭咁耐, 睇得有點辛苦

我地都好有耐力睇晒(只不過大約10分鐘), 但都覺得睇咗好耐. Kame 只覺睇到好累. 睇完就離開開這裏.

因為今天是用邦票, 所以去邊都唔洗錢搭車. 之後我地就到BMW 博物館 (BMW Musemum), U-3 Olympazentrum 地鐵站下車. 一出地鐵站就見到.

未入去就有咁多靚車睇呀.

入到入面, 有這架咁細的藍白車, 好得意. 應該可以隨便玩, 但我地都無玩到這架車. 果位小朋友, 跟住架車跑來跑去, 好鬼搞笑.

對面左邊就是寶馬總部大樓, 右邊就是BMW Musemum, Kame 心諗唔洗錢都可以睇到咁多車. 咁要比Eur 7入博物館是有什麼睇呢? 但Kame 和 Buta 都無入去睇.

離開BMW, Kame 發覺原來這裏有免費寄存行李, 總之拖行李來這裏寄存啦, 又可以慳返Eur 5.

去完BMW, 返去

周圍都好靚的Cake, 不過我地又無買來試過.

行行下, 望向這個位置又幾靚喎.

點解歐洲的地方真係咁特別.

聖彼得教堂 (St. Peter Kirche) 上去是睇慕尼黑全景 (Eur 1.5 / 1人) 行上燈塔頂. 是在這裏買票.

又窄又長的樓梯

不斷上不斷上, 上到去都無氣了. 慕尼黑真的好靚.

咁辛苦行到上來

一定周圍影

周圍影

影返去市政廰

好多紅屋頂的屋

觀景台好狹窄, 闊度僅容納2人行走.

落返去, 又經過這條又窄又長的樓梯, 如果有人正向反方向行來, 一定要其中一邊走返回頭, 讓對方行先. 我地落去時, 就等咗一段時間至落到去.

離開慕尼黑市中心, 搭火車去羅騰堡Rothenburg ob der Tauber. (車程: 3 hr 15 mins)
記得上網找火車資料, 因為都幾複雜下, 好少會一車過到目的地. 我地都要至少轉2次車至到羅騰堡.

搭好耐車, Kame 今次plan 行程比較貪心, 向北面進發但揀了個地方仍然屬於巴伐利亞區Bayern, 就可以用巴伐利亞邦票, 如果垮區, 火車車費就比較貴, 不化算.

我地要轉2次車, Kame 已在網上列印所有資料, 所以轉車轉得好順利. 網上好清楚列明, 去到邊個站下車, 開車時間, 到達時間, Platform, 搭乜類型車等等. 每次Kame 搵外國火車資料都忍不住讚賞外國的交通真係好發達好完善, 不似中國的地方, 每次買中國火車票都好似打扙咁, 又沒有時間表, 要早幾日或當日去到至知.

搭了3個鐘車, 終於到了羅騰堡 Rothenburg ob der Tauber

這間就是我地在羅騰堡住的地方. Gasthof Post 外靚都幾靚. 但本來我地不是book 這間, 我地book 了Hotel Rothenburger Hof, 不過去到check-in 時, 佢竟然話無位, full 晒, 之後就叫我地去這裏. 收費一樣, 咁咪聽佢講跟住佢手畫的地圖再找我地的旅館. 不過遠離了火車站少少.

Hotel Gasthof Post (Eur 52 / 1 room) 

房入面都很乾淨, 望個環境好過之前 book 果間.

Written on October 20, 2013

上一篇文章: 夢幻城堡德國之旅 - 十二天 - Day 1

下一篇文章: 夢幻城堡德國之旅 - 十二天 - Day 3