日本九州自駕遊 - 十二天 - Day 9

行程: 阿蘇蒙古包 > 米塚 > 草千里 > 阿蘇火山 > 大觀峰 > 九重夢大吊橋 > 湯布院 > 別府 (觀海寺溫泉, 崛田溫泉, 別府塔) > 大分 

阿蘇蒙古包有包自助早餐, 都算很多款選擇, 隻碟很特別, 有九格, 不過我地都揀唔到九格不同的嘢食, 食物一般, 最好食都是紫菜.

食完早餐, 10點Check-out. 之後開車去阿蘇火山. 途經會經過米塚和草千里. 今天天氣很好, 終於沒有下雨了. 大約 5 mins 車程就見到米塚.

在米塚停留一陣

又開車去阿蘇火山 (車程 20 mins), 遠望已看到阿蘇火山噴煙.  

到了阿蘇火山纜車站, 可以選擇搭纜車去阿蘇火山(來回1000円1人) 或自駕的話可以開車上阿蘇火山 (600円1駕車), 所以自己開上山是便宜很多.

點知因為火山煙霧影響, 所以不可以上山, 等了一陣都沒有解封, 所以開車去草千里.

回到草千里, 遠望都可見火山不斷噴煙

等了又等....只見到煙霧越來越大

不等了,  唯有又等下次再來啦. 之後開車到大觀峰 (車程40 mins) 前往大觀峰時的景色

很快又來到大観峰 (免費泊車)

綠草如茵

不知這條路可走到那裏呢?

欣賞完大觀峰的美景再開車到九重夢大吊橋 (車程: 1 hr 03 mins) , 免費泊車. 入場費 (500円1 人)

條橋真的很長

這條橋一共有3個保安人員不斷來來回回

終於行到對面岸, 原來可以在另一面離開. 不過我地架車泊在對面, 所以一定要行返轉頭

由另一面影條橋, 都幾壯觀

玩完九重夢大吊橋, 就向湯布院進發 (車程: 45 mins). 我地將架車泊在A-COOP 超市(免費泊車), 不過會看到一塊很大的警告牌恐嚇你, 寫著如違例泊車將罸XXXXX円, 都幾嚇人, 但我地都夠膽泊在這裏, 因為諗住半小時便會回來, 所以應該不怕. Kame 和 Buta 向金麟湖進發, 途經看到龍貓專門店

之後繼續行, 這兒很有日本的風味. 很靚

有架車停在這裏?? 好有日本卡通片的感覺

由布院的店舖

Kame 和 Buta 都行了很久, 終於到金麟湖

Kame 覺得去到金麟湖沒什麼好看, 但竟然睇返影的相片, 就發覺都真的幾靚. 呢啲係咪叫上鏡靚過真人呢? 呵呵~

在這裏住一晚應該不錯, 但Kame 同 Buta 今次旅程沒有plan 住在這裏, 是因為這裏住宿太貴了, 今次行程選擇了住蒙古包, 所以唯有再等待下次住這兒啦.

做犯法嘢點都行得無咁安心, 我地回程時好怕架車真的比人拖走, 所以急急腳咁返A-COOP, 好采架車仲係到. 我地都不是濫用佢地的停車站, 我地真是有幫襯買了幾樣嘢, 水, 杯面都幾平幾抵.

離開湯布院了, 向別府進發(車程: 40 mins), 別府出名是溫泉, 還有別府八大溫泉鄉之稱. 有別府溫泉, 觀海寺溫泉, 鉄輪溫泉, 明礬溫泉, 濱脇溫泉, 柴石溫泉, 堀田溫泉和龜川溫泉. 以下這個就是別府最出名的觀海寺溫泉, 是別府八湯中景色最好的溫泉

為何我地會到了觀海禪寺, 本來我地是找觀海寺溫泉, 但我地經過了都不知, 所以就比GPS帶到這個地方

之後 Kame plan 去崛田溫泉, 所以又開車想去望望崛田溫泉有幾靚?  點知又不斷上山, 崛田溫泉又找不到, 但影到這張相都算不錯

之後決定放棄不找崛田溫泉了, 開車下山, Kame 就望到原來崛田溫泉在這裏, 之後開車到別府塔, 我地又將架車泊在別府塔隔離的 7-11 便利店, 當我地下車, 就看到隔離架車就比張紙貼住. 原來真是會有警告書的, 不過這架車又泊得幾誇張, 由職員記下 18:02 到依家差不多21:00 泊係到3小時了. 看完這張紙, 我地都心驚驚咁離開.

別府塔就在隔離, 就速去速回吧

上別府塔要在樓下自動入錢機買票 (費用: 200円1人), 之後搭升降機上最高層, 不過只是17樓

上到別府塔, 什麼都看不見, 周圍都黑蚊蚊, 無嘢睇. 唔洗 5 mins 就行完.

拎返架車就返酒店,今次我地選擇了住大分這邊, 因為在別府找不到平價些的酒店, 所以住大分. 原來別府同大分都要半小時車程.

今次住 Best Western Hotel Fino Otia (5200円 /1 room), 泊車費 800円. 原來Best Western 在日本好多地方都有, 而且價錢仲平過Toyoko Inn

大分這間 room 大過上次住福岡果間, 一樣都咁Cyber.

放下行李又出去找食店, 求其向一個方向行, 好在還有很多食嘢地方, 日本的食肆開得很夜, 夜晚搵嘢食都得. 我地就選擇了這間食拉麵

日本拉麵點都好好味

Written on August 24, 2013

上一篇文章: 日本九州自駕遊 - 十二天 - Day 8
下一篇文章: 日本九州自駕遊 - 十二天 - Day 10

索引: 九州, 九州自駕, 日本, 自駕, 自駕遊, Mapcode, 九州自駕資訊, 九重夢大吊橋, 別府, 別府塔, 大分, 大觀峰, 湯布院, 米塚, 草千里, 觀海寺溫泉, 阿蘇火山, 阿蘇蒙古包,