行程: 長崎(和平公園, 浦上天主堂) > 雲仙地獄 > 熊本
今天又是天陰陰, 9:00 起身, 對於Kame 同 Buta 來說已經很早了, 無法啦, 因為泊車是按時收費, 每瞓多一小時就要比多100円, 所以Kame 同Buta 決定要在9:45 前拎車,
泊車費 600 円. 返回泊車地方, 很開心架車還在.
開始又開車出發呀, 首先去長崎灣. 早上很少車, 但每當夜晚就會多好多車.
到了長崎灣, 天氣不好, 海港唔靚, 影幾張相就離開.
之後再開車到平和公園, 在平和公園附近泊車 (好似泊了1.5 hour 首1小時200円, 之後半小時100円, 共300円)
向平和祈念像出發
平和祈念像
平和之泉
浦上天主堂
當時原子彈落地處
HM 是日本連鎖店, Kame 同 Buta 買了咖喱飯同炸雞
很美味的炸雞, 唔知點解日本好多炸雞買.
回到車, 在車上食早餐, 很可惜, 雖然買了咖喱飯, 但無食到咖喱汁, 只食豬扒同飯, 因為Kame 怕麻煩,所以無開咖喱汁來食.
離開平和公園, 跟住開車去雲仙地獄 (車程 50 mins)
行到半路, Kame 又話要駕, 所以這程是由Kame 駕到雲仙地獄, 上山呀, Kame 最鐘意駕山路, 越上越大霧, 上雲仙地獄這條路, 彎位很多, 簡直轉完一彎又一彎, 好采很少車上落山, Kame 可以慢慢開上去.
終於到了雲仙地獄, Kame 到了一個停車場, 望下泊車點收費先, 不過唔記得幾錢, 只記得我地駕車返轉頭, 因為 Buta 上山時看到有個駐車場無人管, 應該是免費.
泊完免費車的代價就是.....要自己用隻腳行返上山...上山途中路過的屋
進入雲仙地獄, 是免費的, 可以看到周圍都有熱的蒸汽.
真係好多蒸汽呀, 氣味還很重, 這些味應該是硫黃味.
Buta 就覺得好熱
上到雲仙地獄, 竟然看到少少藍天白雲.
周圍都是溫泉口?
煙霧濔漫.....Buta 話如果冬天來這裡, 可以保暖...
在雲仙地獄玩完, 大約3點食lunch, 在附近求其入了一間餐廳食, 好有自家菜feel. 唔好以為我地好大食, 點解一人一碗拉麵仲要加多一個白飯, 其實碗白飯是我地叫錯咗, 本來是想叫餃子.
下山找回自己架車, Kame 同 Buta 成日憂心架車會唔會唔見咗呢?
好在架車對我地都不離不棄, 開始又要帶著你去搭船, Kame 同 Buta 選擇了由多比浪港上船, 落船在長洲港, 然後再開車入熊本.
搭船收費: 一架車(包司機) 收費 1960 円, 加多一名乘客 430円
(多數人會選擇在島原外港上船, 落船在熊本港, 然後再開車入熊本)
Buta 第一次開車就要上高速, 又要搭船, 遲些仲要挑戰髮夾彎 (Kame 挑戰完啦, 剛才上雲仙地獄的彎位就係髮夾彎)
Kame 同 Buta 下車, 進入船周圍參觀, 有些開車的人竟然無下車, 1小時都坐在車入面, 他們不熱不焗嗎?
1 小時的船程很快到, 但很可惜梅雨季節, 天氣總是陰沉沉. Buta 就很喜歡, 因為無太陽就無咁熱, 未見過人去旅行希望下雨.
準備下船, 跟著前面的車, 離開架船.
再駕2小時車到熊本, 今次熊本的住宿是 Kenchomae Green Hotel (5000円/1room)無早餐, 在酒店泊車735円.
放下車, 在熊本市周圍行, Kame 最鐘意用步行方法, 我地由Hotel 步行到熊本城附近, 大約要1 hour. 途經味千拉麵, 好多人在門外面等候.
熊本的電車好靚, 有很多唔同款的電車.
原來熊本有很多補習社, 點解這間咁開放, 街外人可望到入去, 今天是星期六, 都要補到咁夜?
行了很久, 看到這裡好似shopping 的地方, 原來熊本城附近有得Shopping.
日本特色的shopping 街, Kame 都買了 3對 Socks 返香港 (525円3對) , 抵! 在日本購物真的很便宜.
沒有留言:
張貼留言